NEWS 22 TRUTH . EQUALITY . FRATERNITY
Related Articles
തമിഴ്നാട്ടിലെ തെങ്കാശിയില് ക്ഷേത്രോത്സവത്തിന്റെ ഭാഗമായി മനുഷ്യ ശവശരീരം ഭക്ഷിച്ചെന്ന പരാതിയില് സ്വാമിമാര്ക്കെതിരെ കേസെടുത്തു. പാവൂര്സത്രം കല്ലാരണി ഗ്രാമത്തില് കഴിഞ്ഞ വെള്ളിയാഴ്ചയാണ് സംഭവം.
മനുഷ്യന്റെ തലയോട്ടിയടക്കം കൈയില്വെച്ചെന്ന് ആരോപിച്ചാണ് കേസ്. നാല് സ്വാമിമാരുള്പ്പെടെ 10 പേര്ക്കെതിരെയാണ് തെങ്കാശി പൊലീസ് കേസെടുത്തത്. വില്ലേജ്
അഡ്മിനിസ്ട്രേറ്റീവ് ഓഫീസര് നല്കിയ പരാതിയിലാണ് ഇവര്ക്കെതിരെ കേസെടുത്തിരിക്കുന്നത്. ശക്തി മാടസ്വാമി എന്ന ക്ഷേത്രത്തിലെ ഉത്സവവുമായി ബന്ധപ്പെട്ട്
നാല് പേര് ചേര്ന്ന് മനുഷ്യന്റെ തല ഭക്ഷിക്കുന്ന വീഡിയോ സമൂഹ മാധ്യമങ്ങളില് പ്രചരിച്ചതോടെയാണ് സംഭവം വിവാദമായത്. എന്നാല് എവിടെ നിന്നാണ് ശവശരീരം ലഭിച്ചതെന്ന് പൊലീസ് അന്വേഷിച്ചു കൊണ്ടിരിക്കുകയാണ്.
