NEWS 22 TRUTH . EQUALITY . FRATERNITY
Related Articles
ആധാര് നിയമലംഘനം നടത്തിയാല് ഒരു കോടി രൂപ പിഴ ഈടാക്കാന് തീരുമാനം. ആധാര് വിവരങ്ങള് ഹാക്ക് ചെയ്യുന്നതും മറ്റൊരാളുടെ ബയോമെട്രിക് വിവരങ്ങള് നല്കുന്നതും കുറ്റകരമാണ്. അതിന്റെ ഭാഗമായി യുണീക്ക് ഐഡന്റിഫിക്കേഷന് അതോറിറ്റിക്ക് അധികാരം നല്കുന്ന ചട്ടം വിജ്ഞാപനം ചെയ്തു. 2019ല് പാര്ലമെന്റ് പാസാക്കിയ ആധാര് നിയമത്തിന് അനുസൃതമായാണ് ചട്ടങ്ങള് ഐ.ടി മന്ത്രാലയം വിജ്ഞാപനം ചെയ്തിരിക്കുന്നത്.
ചട്ടം നിലവില് വന്നതോടെ നിയമലംഘനങ്ങള് നിരീക്ഷിക്കാന് ഉദ്യോഗസ്ഥരെ നിയമിക്കാനും അതോറിറ്റിക്ക് സാധിക്കും. ലംഘനങ്ങളില് നടപടിയെടുക്കാനും പരാതി പരിഹാരത്തിനും കേന്ദ്രസര്ക്കാരിലെ ജോയിന്റ് സെക്രട്ടറി തസ്തികയിലുള്ള ഉദ്യോഗസ്ഥനെ നിയമിക്കും. പിഴ അടയ്ക്കാത്തവരുടെ സ്വത്ത് കണ്ടുകെട്ടാനും നിര്ദേശിക്കാം. നടപടി എടുക്കുന്നതിന് മുമ്ബ് കാരണം കാണിക്കല് നോട്ടീസ് നല്കുകയും ആരോപണവിധേയര്ക്ക് വിശദീകരണം നല്കാന് അവസരം നല്കുകയും വേണം.
