NEWS 22 TRUTH . EQUALITY . FRATERNITY
Related Articles
തൊടുപുഴ കുമളിയില് പെട്രോള് പമ്പിനു സമീപം നിര്ത്തിയിട്ടിരുന്ന സ്വകാര്യ ബസിന് തീപിടിച്ച് ബസിലെ ക്ലീനര് വെന്തു മരിച്ചു. ബസ് പൂര്ണമായും കത്തി നശിച്ചു.
ബസിനുള്ളില് കിടന്നുറങ്ങുകയായിരുന്ന ക്ലീനര് ഉപ്പുകുളം സ്വദേശി രാജനാണ് മരിച്ചത്. പുലര്ച്ചെ രണ്ടു മണിയോടെയാണ് സംഭവം നടന്നത്.
ബസില് തീപടരുന്നത് കണ്ട് അടുത്തുണ്ടായിരുന്ന ബസിലെ ജീവനണക്കാര് തീ അണയ്ക്കാനായി എത്തിയെങ്കിലും രാജന് ബസിനുള്ളില് ഉണ്ടെന്ന് അറിയാതെ പോകുകയായിരുന്നു.
തുടര്ന്ന് ഫയര്ഫോഴ്സ് എത്തി ഏറെ പണിപ്പെട്ടാണ് തീ അണച്ചത്. അപ്പോഴാണ് രാജന് ബസിനുള്ളില് ഉണ്ടെന്ന വിവരം അറിഞ്ഞത്. സമീപത്തെ പെട്രോള് പമ്പിലേക്ക് തീപടരാതിരുന്നതിനാല് വലിയ അപകടം ഒഴിവായി.
രാജന്റെ മൃതദേഹം സമീപത്തെ ആശുപത്രിയില് സൂക്ഷിച്ചരിക്കുന്നു. ഷോര്ട്ട് സര്ക്യൂട്ടാണ് അപകടകാരണമെന്നാണ് പ്രാഥമിക നിഗമനം. വിശദമായ അന്വഷണത്തിന് ശേഷം മാത്രമെ കൂടുതല് വ്യക്തത ഉണ്ടാകു.
