NEWS 22 TRUTH . EQUALITY . FRATERNITY
Related Articles
രാജ്യത്തെ ലോക്ക്ഡൗണില് കേന്ദ്രസര്ക്കാര് കൂടുതല് ഇളവുകള് പ്രഖ്യാപിച്ചെങ്കിലും കേരളം അതേപടി നടപ്പാക്കാന് സാധ്യതയില്ലെന്ന് സൂചന. ജൂണ് എട്ടിന് ശേഷം അടഞ്ഞ് കിടക്കുന്ന പല മേഖലകളും തുറന്ന് കൊടുക്കാമെന്നാണ് കേന്ദ്രത്തിന്റെ നിലപാട്.
എന്നാല് രോഗികളുടെ എണ്ണം ഓരോ ദിവസവും കൂടി വരുന്ന പശ്ചാത്തലത്തില് പൂര്ണ്ണമായി തുറന്ന് കൊടുക്കുന്നത് തിരിച്ചടിയുണ്ടാകുമെന്നാണ് കേരള സര്ക്കാര് വിലയിരുത്തല്. സംസ്ഥാനത്ത് ഏതൊക്കെ
മേഖലകളില് ഇളവുകള് നല്കണമെന്ന കാര്യത്തില് നാളെ (തിങ്കളാഴ്ച) തീരുമാനമുണ്ടായേക്കും. മിക്ക ജില്ലകളിലും ഹോട്ട്സ്പോടുകള് ഉള്ളതിനാല് പൊതുഗതാഗതം ജില്ലകള്ക്ക് പുറത്തേക്ക് ഉടന് അനുവദിക്കില്ല.
അന്തര്സംസ്ഥാന യാത്രക്ക് പാസ് വേണ്ടെന്നാണ് കേന്ദ്രനിര്ദ്ദേശം എങ്കിലും സംസ്ഥാനങ്ങള്ക്ക് നിയന്ത്രണം ഏര്പ്പെടുത്താനുള്ള അവകാശം കേരളം വിനിയോഗിക്കും.
