NEWS 22 TRUTH . EQUALITY . FRATERNITY
Related Articles
മനുഷ്യ മാംസം പാകം ചെയ്ത് വിളമ്പിയ യുവാവ് അറസ്റ്റില്‍. ഉത്തര്‍പ്രദേശിലെ ബിജ്‌നോറിലാണ് മനുഷ്യ മനസാക്ഷിയെ നടുക്കിയ സംഭവം അരങ്ങേറിയത്.
യുവാവ് പാചകം ചെയ്ത് അത്താഴത്തിനു വിളമ്പിയ വിഭവത്തില്‍ മനുഷ്യ മാംസവും കൈയും വിരലും കണ്ട് ഞെട്ടിയ ഭാര്യ പോലീസില്‍ വിവരം അറിയിക്കുകയായിരുന്നു.
ശ്മശാനത്തില്‍ നിന്ന് മൃതദേഹ ഭാഗങ്ങള്‍ വെട്ടിയെടുത്ത് കവറിലാക്കി കൊണ്ടുവന്നാണ് യുവാവ് പാചകം ചെയ്തത്. ഇയാള്‍ മാംസം കൊണ്ട് വന്നപ്പോള്‍ ഭാര്യ പുറത്തുപോയ സമയമായിരുന്നു.
പിന്നീട് അവര്‍ തിരിച്ചെത്തുമ്പോള്‍ ഇയാള്‍ മനുഷ്യമാംസം പാചകം ചെയ്തുവെച്ചിരുന്നു. ഇത് കണ്ട് ഓടി രക്ഷപ്പെട്ട ഭാര്യ അയല്‍ക്കാരെയും പോലീസിനെയും വിവരമറിയിക്കുകയായിരുന്നു.
തുടര്‍ന്ന് പോലീസ് എത്തുന്നതുവരെ അയല്‍ക്കാര്‍ യുവാവിനെ വീട്ടില്‍ പൂട്ടിയിട്ടു. തുടര്‍ന്ന് പോലീസ് ഇയാളെ കസ്റ്റഡിയിലെടുക്കുകയായിരുന്നു.
