ഇന്ത്യയുടെ പേര് ഭാരതമെന്നാക്കി മാറ്റണമെന്ന് ആവശ്യപ്പെട്ട് സമര്പ്പിച്ച ഹര്ജി സുപ്രീംകോടതി തള്ളി. നിലവില് ഭരണഘടനയില് ‘ഭാരതം’ എന്ന് ഇന്ത്യയെ വിളിക്കുന്നുണ്ട് എന്ന് ചൂണ്ടിക്കാട്ടിയാണ് ഹര്ജി പരിഗണിക്കാന് സുപ്രീം കോടതി വിസമ്മതിച്ചത്. ഇത്തരത്തിലൊരു പേരുമാറ്റത്തിന് ഭരണഘടന ഭേദഗതി ചെയ്യാന് കോടതിക്ക് നിര്ദേശം നല്കാന് സാധിക്കില്ലെന്ന് വ്യക്തമാക്കിയ സുപ്രീം കോടതി ബെഞ്ച് ഇതേ ആവശ്യവുമായി ഹര്ജിക്കാരന് വേണമെങ്കില് കേന്ദ്ര സര്ക്കാരിനെ സമീപിക്കാമെന്നും കോടതി നിര്ദേശിച്ചു. തുടര്ന്ന് ഹര്ജി തള്ളുകയായിരുന്നു. ‘നിങ്ങള് എന്തിനാണ് ഇവിടെ വന്നത്? നിലവില് തന്നെ ഭരണഘടനയില് ഇന്ത്യയെ ‘ഭാരതം’ എന്ന് വിളിക്കുന്നുണ്ട്. ‘- ചീഫ് ജസ്റ്റിസ് അധ്യക്ഷനായ ജസ്റ്റിസുമാരായ എ.എസ്. ബോപണ്ണയും ഋഷികേശ് റോയിയും ഉള്പ്പെട്ട ബഞ്ച് ഹര്ജിക്കാരന്റെ അഭിഭാഷകനോട് ചോദിച്ചു.
Check Also
SSLC ജയിക്കുന്ന കുട്ടികൾക്ക് എഴുതാനും വായിക്കാനും അറിയില്ലന്നൊ? മന്ത്രി സജി ചെറിയാൻ്റെ പ്രസ്താവനക്കെതിരെ വിദ്യാഭ്യാസ മന്ത്രി.
SSLC ജയിക്കുന്ന കുട്ടികൾക്ക് സാമാന്യ അറിവു പോലും ഇല്ലെന്ന മന്ത്രി സജി ചെറിയാൻ്റെ വാക്കുകൾക്കെതിരെ വിദ്യാഭ്യാസ മന്ത്രിയുടെ പരിഹാസത്തോടെയുള്ള വിമർശനം. …