ബൈക്കിലെത്തിയവര് കുടമ്ബുളി കച്ചവടക്കാരന്റെ 10,500 രൂപ തട്ടിയെടുത്തു. അഞ്ചല് ഭാരതീപുരം ഖാദിരിയ മന്സിലില് ഉമറുല് ഫാറൂഖിന്റെ പണമാണ് കവര്ന്നത്. കുടമ്ബുളി കച്ചവടക്കാരനായ യുവാവ് കഴിഞ്ഞ ദിവസം
വെളിയം, പൂയപ്പള്ളി ഭാഗത്ത് പുളിക്കച്ചവടം നടത്തി മടങ്ങിപോകുംവഴി വെളിയം മാവിള വിപണി – അമ്ബലംകുന്ന് റോഡില് ആളൊഴിഞ്ഞ ഭാഗത്തുവെച്ച് പണം എണ്ണി തിട്ടപ്പെടുത്തി സ്കൂട്ടറില് ഇരിക്കുകയായിരുന്നു.
ബൈക്കിലെത്തിയ ഹെല്മറ്റ് ധരിച്ച രണ്ട് യുവാക്കള് ഓടനാവട്ടത്തേക്കുള്ള വഴി ചോദിച്ചു. ദിശ ചൂണ്ടിക്കാട്ടുന്നതിനിടെ ബൈക്കിന്റെ പിന്നിലിരുന്നയാള് ഉമറുല് ഫാറൂഖിന്റെ കൈയില് നിന്ന് പണം തട്ടിയെടുത്ത് അതിവേഗത്തില് ബൈക്ക് അമ്ബലംകുന്ന്
ഭാഗത്തേക്ക് ഓടിച്ച് പോകുകയായിരുന്നു. ഉമര് സ്കൂട്ടറില് സംഘത്തെ ഒരു കിലോമീറ്ററോളം പിന്തുടര്ന്നെങ്കിലും കണ്ടെത്താനായില്ല. പിടിച്ചുപറി സംഘം സഞ്ചരിച്ച ബൈക്കിന്റെ പിന്വശത്തെ
നമ്ബര് പ്ലേറ്റ് വെള്ളപൂശിയിരുന്നതിനാല് തിരിച്ചറിയാനായില്ല. പൂയപ്പള്ളി പൊലീസ് കേസെടുത്ത് അന്വേഷണം ആരംഭിച്ചു