NEWS 22 TRUTH . EQUALITY . FRATERNITY
Related Articles
ഇന്ത്യന്‍ സൂപ്പര്‍ ലീഗിന്റെ ഏഴാം സീസണിന് ഇന്ന് കൊടിയിറക്കം. കോവിഡ്പ്രതിസന്ധിയെ നീന്തിക്കയറിയ സീസണിലെ ജേതാക്കളെ ഇന്നറിയാം. ലീഗ് റൗണ്ടിലെ ഏറ്റവും കരുത്തരായ
രണ്ടു ടീമുകളുടേതാണ് ഇന്നത്തെ ഫൈനല്‍ പോരാട്ടം. ലീഗ് വിന്നേഴ്സ് ഷീല്‍ഡ് സ്വന്തമാക്കിയ മുംബൈ സിറ്റിയും തൊട്ടുപിന്നിലായി രണ്ടാംസ്ഥാനംകൊണ്ടും തൃപ്തിയടഞ്ഞ എ.ടി.കെ മോഹന്‍ ബഗാനും
ചാമ്ബ്യന്‍ഷിപ്പിനായി പോരടിക്കുമ്പോള്‍ ഏറ്റവും മികച്ചവരുടെ ഫൈനലാണിന്ന് അരങ്ങേറുക. എ.ടി.കെയില്‍നിന്ന് കൊല്‍ക്കത്തയിലെ ഇതിഹാസ സംഘമായ മോഹന്‍ബഗാനുമായി ലയിച്ച്‌ ‘എ.ടി.കെ മോഹന്‍ ബഗാന്‍’ ആയശേഷം ആദ്യ ഐ.എസ്.എല്‍ സീസണ്‍ ആണിത്.
കഴിഞ്ഞ സീസണിലേതുള്‍പ്പെടെ മൂന്നുതവണ (2014, 2016, 2020) കിരീടമണിഞ്ഞവര്‍. ഇംഗ്ലീഷ് പ്രീമിയര്‍ ലീഗ് കിരീടത്തിലേക്ക് കുതിക്കുന്ന മാഞ്ചസ്റ്റര്‍ സിറ്റിയുടെ രക്തമാണ് മുംബൈയുടെ സിരകളില്‍ ഒഴുകുന്നത്. ജയിക്കാനുള്ള പോര്‍വീര്യം അവരുടെ സഹജസ്വഭാവമാണ്.
ലീഗ് റൗണ്ടില്‍ രണ്ടുതവണ ഏറ്റുമുട്ടിയപ്പോഴും കൊല്‍ക്കത്തക്കാര്‍ക്കെതിരെ മുംബൈക്കായിരുന്നു ജയം. ഫൈനലിനൊപ്പം പോന്ന ലീഗിലെ അവസാന മത്സരത്തില്‍ 2-0ത്തിന് ജയിച്ച്‌ കരുത്ത് തെളിയിച്ചു.
എന്നാല്‍, സെമിയില്‍ ഗോവയെ സഡന്‍ ഡെത്തിലായിരുന്നു മുംബൈ പിടിച്ചുകെട്ടിയത്. നിലവില്‍ 14 ഗോളുമായി റോയ് കൃഷ്ണയും ഗോവയുടെ ഇഗോര്‍ ആന്‍ഗുലോയും ഒപ്പത്തിനൊപ്പമാണ്.
ഗോവ സെമിയില്‍ പുറത്തായതിനാല്‍ ആന്‍ഗുലോക്ക് ഇനി അവസരമില്ല. എന്നാല്‍, ഫൈനലില്‍ ഒരു ഗോള്‍ കൂടി നേടിയാല്‍ വെല്ലുവിളിയില്ലാതെ റോയ് കൃഷ്ണ ഗോള്‍ഡന്‍ ബൂട്ടിന് അവകാശിയാവും.
