NEWS 22 TRUTH . EQUALITY . FRATERNITY
Related Articles
സംസ്ഥാനത്തെ കനത്ത മഴയിൽ ചങ്ങനാശ്ശേരി താലൂക്കിലെ താഴ്ന്ന പ്രദേശങ്ങള്‍ വെള്ളത്തില്‍. രണ്ടുദിവസം തുടര്‍ച്ചയായി പെയ്യുന്ന മഴയില്‍ കൈത്തോടുകള്‍ നിറഞ്ഞുകവിഞ്ഞൊഴുകി കുറിച്ചി, വാഴപ്പള്ളി, പായിപ്പാട് പഞ്ചായത്തുകളിലെയും
ചങ്ങനാശ്ശേരിയുടെ പടിഞ്ഞാറന്‍ മേഖലയിലെയും താഴ്ന്ന പ്രദേശങ്ങിലുള്ള രണ്ടായിരത്തോളം വീടുകളില്‍ വെള്ളം കയറി. മഴ ശക്തമായി തുടര്‍ന്നാല്‍ വീണ്ടുമൊരു വെള്ളപ്പൊക്ക ഭീഷണി നേരിടേണ്ടിവരുമെന്ന ഭീതിയിലാണ് ജനങ്ങള്‍.
കോവിഡ് വിതച്ച ആശങ്കക്കു പിന്നാലെയാണ് വെള്ളപ്പൊക്ക ഭീതിയും ജനങ്ങളെ ദുരിതത്തിലാക്കിയത്. വെള്ളപ്പൊക്ക ബാധിത പ്രദേശങ്ങളില്‍ നിയുക്ത എം.എല്‍.എ അഡ്വ. ജോബ് മൈക്കിള്‍ സന്ദര്‍ശനം നടത്തി.
താലൂക്കില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം തുറന്നു. കുറിച്ചി പഞ്ചായത്തിലെ താഴ്ന്ന പ്രദേശങ്ങളിലെ വീടുകളിലെല്ലാം തുടര്‍ച്ചയായി പെയ്യുന്ന മഴയില്‍ വെള്ളം കയറി. ഒന്ന്, രണ്ട്, അഞ്ച്, ആറ്, 16, 17 വാര്‍ഡുകളിലെ ആയിരത്തോളം വീടുകളിലാണ് വെള്ളം കയറിയത്.
ഒന്നാം വാര്‍ഡ്, രണ്ടാം വാര്‍ഡിലെ മുട്ടത്തുകടവ്, അഞ്ചാം വാര്‍ഡിലെ ചേലാറ 13 ലക്ഷംവീട്‌ കോളനി, ആറാം വാര്‍ഡിലെ ചേലച്ചിറ, 16ാം വാര്‍ഡിലെ ചാണകക്കുഴി, ചകിരി, കച്ചറകലുങ്ക്, ചാമക്കുളം
പ്രദേശങ്ങളിലും 17ാംവാര്‍ഡിലെ കുട്ടന്‍ചിറമറ്റം, വട്ടഞ്ചിറകുളം, പുലിക്കുഴിമറ്റം, ഐക്കരമറ്റം എന്നിവിടങ്ങളിലെ വീടുകളിലാണ് വെള്ളം കയറിയത്.
