NEWS 22 TRUTH . EQUALITY . FRATERNITY
Related Articles
സി ബി എസ് ഇ പന്ത്രണ്ടാം ക്ലാസ് മൂല്യനിര്‍ണയത്തിനായി പ്രായോഗിക പരീക്ഷയുടെയും അസൈന്‍മെന്റുകളുടെയും മാര്‍ക്ക് സമര്‍പ്പിക്കാനുള്ള അവസാന തീയതി ജൂണ്‍ 28 വരെ നീട്ടി. ഇനി തീയതി നീട്ടില്ലെന്നും
എല്ലാ സ്‌കൂളുകളും പ്രസ്തുത സമയത്തിനകം മൂല്യനിര്‍ണയം പൂര്‍ത്തിയാക്കണമെന്നും സി ബി എസ് ഇ ഔദ്യോഗിക വിജ്ഞാപനത്തില്‍ അറിയിച്ചു. കൊവിഡ് രൂക്ഷമായി തുടരുന്ന പശ്ചാത്തലത്തില്‍ പ്രായോഗിക പരീക്ഷയും
മൂല്യനിര്‍ണയവുമെല്ലാം ഓണ്‍ലൈനായി നടത്താനാണ് സ്‌കൂളുകളോട് ബോര്‍ഡ് ആവശ്യപ്പെട്ടിരിക്കുന്നത്. ഇന്റേണല്‍ അസെസ്‌മെന്റ് സംബന്ധിച്ച സംശയങ്ങള്‍ക്ക് സ്‌കൂളുകള്‍ക്ക് സി ബി എസ് ഇ ഔദ്യോഗിക വെബ്‌സൈറ്റ് സന്ദര്‍ശിക്കാം.
വാചാ പരീക്ഷക്ക് പങ്കെടുക്കുന്ന വിദ്യാര്‍ഥിയുടെയും അധ്യാപകരുടെയും ഫോട്ടോ സ്‌കൂള്‍ രേഖകളില്‍ സൂക്ഷിക്കണം. വിദ്യാര്‍ഥി പഠിക്കുന്ന സ്‌കൂളിലെ അധ്യാപകര്‍ക്ക് പുറമേ ബോര്‍ഡ് നിയോഗിക്കുന്ന
എക്സ്റ്റേണല്‍ എക്‌സാമിനറും പ്രായോഗിക പരീക്ഷ/ മൂല്യനിര്‍ണയത്തിന് ഉണ്ടാകും. മൂല്യനിര്‍ണയം പൂര്‍ത്തിയാക്കിയാല്‍ ഉടന്‍ മാര്‍ക്കുകള്‍ അപ്ലോഡ് ചെയ്യണം. ഒരിക്കല്‍ അപ്ലോഡ് ചെയ്ത മാര്‍ക്കുകളില്‍ തിരുത്തലുകള്‍ വരുത്താനാകില്ല.
