NEWS 22 TRUTH . EQUALITY . FRATERNITY
Related Articles
ജമ്മുകശ്മീരില് ഏറ്റുമുട്ടല് തുടരുന്നതിനിടെ പുല്വാമയില് മൂന്നു ഭീകരരെ സൈന്യം വധിച്ചു. ലഷ്കര് ഇ ത്വയിബ കമാന്ഡര് അയിജാസ് ഏലിയാസ് അബു ഏറ്റുമുട്ടലില് കൊല്ലപ്പെട്ടതായി കശ്മീര് സോണ് പൊലീസ് ട്വീറ്റ് ചെയ്തു.
ഏറ്റുമുട്ടലിനെ തുടര്ന്ന് പൊലീസിന്റെയും സൈന്യത്തിന്റെയും സിആര്പിഎഫിന്റെയും സംയുക്ത സംഘം പ്രദേശത്ത് വിന്യസിച്ചിട്ടുണ്ട്. ഭീകരര് പ്രദേശത്ത് ഒളിച്ചിരുപ്പുണ്ടെന്ന രഹസ്യ വിവരത്തിന്റെ അടിസ്ഥാനത്തിലായിരുന്നു തിരച്ചില്.
പൊലീസും സൈന്യവും സെന്ട്രല് റിസര്വ് ഫോഴ്സും പ്രദേശം വളഞ്ഞതിന് പിന്നാലെയായിരുന്നു ഏറ്റുമുട്ടല്. പുല്വാമയില് കര്ഫ്യൂ ഏര്പ്പെടുത്തി. പ്രദേശത്ത് കൂടുതല് ഭീകരരുണ്ടെന്നാണ് സൂചന.
