NEWS 22 TRUTH . EQUALITY . FRATERNITY
Related Articles
കഴിഞ്ഞ മൂന്ന് ദിവസമായി മഹാരാഷ്ട്രയിലെ പൂനെ, കൊങ്കണ്‍ ഡിവിഷനുകളില്‍ ചില പ്രദേശങ്ങളില്‍ മണ്ണിടിച്ചിലും വെള്ളപ്പൊക്കവും സൃഷ്ടിച്ച പേമാരിക്ക് സാക്ഷ്യം വഹിച്ചു.
സംസ്ഥാനത്ത് മഴയുമായി ബന്ധപ്പെട്ട മരിച്ചവരുടെ എണ്ണം 112 ആയി ഉയര്‍ന്നു. ശനിയാഴ്ച വൈകുന്നേരം വരെ 99 പേരെ കാണാതായിട്ടുണ്ട്. മരിച്ചവരുടെ ബന്ധുക്കള്‍ക്ക് സംസ്ഥാന-കേന്ദ്ര
സര്‍ക്കാരുകള്‍ സാമ്ബത്തിക സഹായം പ്രഖ്യാപിച്ചു. അതേസമയം, മഹാരാഷ്ട്രയില്‍ രക്ഷാപ്രവര്‍ത്തനത്തിനായി ദേശീയ ദുരന്ത നിവാരണ സേന
തങ്ങളുടെ ടീമുകളെ വിന്യസിച്ചിട്ടുണ്ട്. മഹാരാഷ്ട്രയില്‍ മഴയുമായി ബന്ധപ്പെട്ട സംഭവങ്ങളില്‍ ഇതുവരെ 112 പേര്‍ മരിച്ചു. 53 പേര്‍ക്ക് പരിക്കേറ്റു. ജൂലൈ 21 നും 24 നും ഇടയില്‍ റായ്ഗഡ്
ജില്ലയില്‍ മാത്രം 52 പേര്‍ മരിച്ചു. കഴിഞ്ഞ മൂന്ന് ദിവസങ്ങളില്‍ പെയ്ത മഴയില്‍ രത്‌നഗിരി ജില്ലയില്‍ 21 മരണങ്ങള്‍ റിപ്പോര്‍ട്ട് ചെയ്തു.
സതാര (13), താനെ (12), കോലാപ്പൂര്‍ (7), മുംബൈ (4), സിന്ധുദുര്‍ഗ് (2), പൂനെ (1). അതേസമയം, റായ്ഗഡില്‍ 53, സതാരയില്‍ 27, രത്‌നഗിരിയില്‍ 14, താനെയില്‍ മൂന്ന്, സിന്ധുദുര്‍ഗ്, കോലാപ്പൂര്‍
എന്നിവിടങ്ങളില്‍ ഒരാള്‍ ഉള്‍പ്പെടെ 99 പേരെ കാണാതായിട്ടുണ്ട്. മൂവായിരത്തിലധികം മിണ്ടാപ്രാണികളും ജീവന്‍വെടിഞ്ഞു, ഇതില്‍ ഭൂരിഭാഗവും സതാര ജില്ലയിലാണ്.
