NEWS 22 TRUTH . EQUALITY . FRATERNITY
Related Articles
സംസ്ഥാനത്ത് നിപ വൈറസ് റിപ്പോര്ട്ട് ചെയ്യപ്പെട്ട സാഹചര്യത്തില് ജില്ലയിലെ കര്ഷകര് ജാഗ്രത പാലിക്കണമെന്ന് മൃഗസംരക്ഷണ ഓഫിസര് അറിയിച്ചു. അസാധാരണമായി എന്തെങ്കിലും ഭാവമാറ്റം വളര്ത്തുപക്ഷിമൃഗാദികളില് കണ്ടാല് സമീപ മൃഗാശുപത്രിയുമായി ബന്ധപ്പെടണം. പ്രത്യേകിച്ച് മസ്തിഷ്ക, ശ്വാസസംബന്ധമായ ലക്ഷണങ്ങള്, അസ്വാഭാവിക മരണം എന്നിവ ശ്രദ്ധയില്പെട്ടാല് അറിയിക്കണം. സംസ്ഥാനത്ത് വളര്ത്തുമൃഗാദികളിലോ പക്ഷികളിലോ നിപ ഉണ്ടാകുകയോ അവരില്നിന്ന് മനുഷ്യരിലേക്ക് പകരുകയോ ചെയ്ത ആധികാരിക റിപ്പോര്ട്ടുകള് ലഭിക്കാത്തതിനാല് കര്ഷകര് പരിഭ്രമിക്കേണ്ട ആവശ്യമില്ലെന്നും അധികൃതര് പറഞ്ഞു.
