Breaking News

ഇനിയെന്നുകാണും നമ്മള്‍ തിയറ്ററില്‍ സിനിമ..

ഹൗ​സ്ഫു​ള്‍ ഷോ​ക​ളു​മാ​യി നി​റ​ഞ്ഞോ​ടേ​ണ്ടി​യി​രു​ന്ന ര​ണ്ട് ഓ​ണ​ക്കാ​ലം ക​ഴി​ഞ്ഞു. ഇ​നി​യെ​ന്നു​തു​റ​ക്കും സി​നി​മ തി​യ​റ്റ​റു​ക​ള്‍… സി​നി​മ പ്രേ​മി​ക​ള്‍ മാ​ത്ര​മ​ല്ല, ഇ​തു​മാ​യി ബ​ന്ധ​പ്പെ​ട്ട്​ ഉ​പ​ജീ​വ​നം ക​ഴി​ക്കു​ന്ന നി​ര​വ​ധി കു​ടും​ബ​ങ്ങ​ളും ചോ​ദി​ക്കു​ന്നു.

ഒ​ന്ന​ര​വ​ര്‍​ഷം ക​ഴി​ഞ്ഞ്​ തി​യ​റ്റ​റു​ക​ള്‍ അ​ട​ഞ്ഞി​ട്ട്. ​ഇ​തി​നി​ടെ തു​റ​ന്ന​ത്​ വെ​റും മൂ​ന്നു​മാ​സം മാ​ത്രം. 2020 മാ​ര്‍ച്ചി​ല്‍ കോ​വി​ഡ് വ്യാ​പ​നം ആ​രം​ഭി​ച്ച​പ്പോ​ള്‍ ആ​ദ്യം നി​ര്‍ത്തി​യ​ത്​ തി​യ​റ്റ​റു​ക​ളു​ടെ പ്ര​വ​ര്‍ത്ത​ന​മാ​യി​രു​ന്നു. പി​ന്നീ​ട്, 10 മാ​സ​ത്തി​നു​ശേ​ഷം തു​റ​ക്കാ​ന്‍ അ​വ​സ​രം ല​ഭി​ച്ചെ​ങ്കി​ലും പ​കു​തി സീ​റ്റു​ക​ളി​ല്‍ മാ​ത്ര​മെ​ന്ന ക​ര്‍ശ​ന നി​ബ​ന്ധ​ന​യു​ണ്ടാ​യി​രു​ന്നു.

വി​നോ​ദ​നി​കു​തി അ​ട​ക്കം ഇ​ള​വു​ക​ള്‍ ന​ല്‍​കി​യാ​ണ്​ തി​യ​റ്റ​റു​ക​ള്‍ തു​റ​ക്കാ​ന്‍ അ​നു​മ​തി ന​ല്‍​കി​യ​ത്. നി​യ​ന്ത്ര​ണ​ങ്ങ​ളോ​ടെ, 2021 ജ​നു​വ​രി 13ന്​ ​തു​റ​ന്നു​വെ​ങ്കി​ലും കോ​വി​ഡ് വ്യാ​പ​നം രൂ​ക്ഷ​മാ​യ​തോ​ടെ ഏ​പ്രി​ല്‍ 17ന്​ ​വീ​ണ്ടും അ​ട​ച്ചു. ഏ​റ്റ​വും അ​വ​സാ​ന കോ​വി​ഡ് അ​വ​ലോ​ക​ന യോ​ഗ​ത്തി​ലും തി​യ​റ്റ​റു​ക​ള്‍ തു​റ​ക്കു​ന്ന കാ​ര്യ​ത്തി​ല്‍ തീ​രു​മാ​ന​മാ​യി​ല്ല. ബാ​ക്കി എ​ല്ലാ മേ​ഖ​ല​ക്കും ഇ​ള​വു​ക​ള്‍ അ​നു​വ​ദി​ച്ച​പ്പോ​ള്‍ തി​യ​റ്റ​ര്‍ മേ​ഖ​ല​യെ മ​നഃ​പൂ​ര്‍വം അ​വ​ഗ​ണി​ക്കു​ക​യാ​ണെ​ന്നാ​ണ് ആ​ക്ഷേ​പം.

ജി​ല്ല​യി​ല്‍ 20 തി​യ​റ്റ​റു​ക​ള്‍

ജി​ല്ല​യി​ല്‍ ഇ​രു​പ​തി​ലേ​റെ തി​യ​റ്റ​റു​ക​ളും ഇ​വി​ട​ങ്ങ​ളി​ലാ​യി മു​പ്പ​തി​ലേ​റെ സ്‌​ക്രീ​നു​ക​ളി​ലു​മാ​ണ്​ പ്ര​ദ​ര്‍ശ​നം ന​ട​ന്നി​രു​ന്ന​ത്. ഓ​രോ തി​യ​റ്റ​റു​മാ​യി ബ​ന്ധ​പ്പെ​ട്ട്​ പ​ത്തി​ലേ​റെ ജീ​വ​ന​ക്കാ​ര്‍ ജോ​ലി​ചെ​യ്തി​രു​ന്നു. ഇ​വ​ര്‍​ക്കെ​ല്ലാം കോ​വി​ഡ് കാ​ല​ത്ത്​ തൊ​ഴി​ല്‍ ന​ഷ്​​ട​മാ​യി. തി​യ​റ്റ​ര്‍ വൃ​ത്തി​യാ​ക്കു​ന്ന​തി​നും ​േപ്രാ​ജ​ക്ട​ര്‍ പ്ര​വ​ര്‍ത്തി​പ്പി​ക്കു​ന്ന​തി​നും മാ​ത്രം ഒ​ന്നോ ര​ണ്ടോ ജീ​വ​ന​ക്കാ​ര്‍ മാ​ത്ര​മാ​ണ്​ ഇ​പ്പോ​ഴു​ള്ള​ത്. അ​വ​ര്‍​ക്ക്​ ശ​മ്ബ​ളം ന​ല്‍​കാ​ന്‍ വ​രു​മാ​ന​വു​മി​ല്ല. ല​ക്ഷ​ങ്ങ​ളു​ടെ വൈ​ദ്യു​തി ബി​ല്ലി​ന്​ പു​റ​മെ സ്ഥി​ര​മാ​യ അ​റ്റു​ക​റ്റ​പ്പ​ണി​ക​ളു​ടെ ചെ​ല​വ്​ വേ​റെ. മോ​ഹ​ന്‍ലാ​ലി​െന്‍റ ‘മ​ര​ക്കാ​ര്‍’ സി​നി​മ ഓ​ണ​ത്തി​ന്​ പ്ര​ദ​ര്‍ശ​ന​ത്തി​നു​വ​രു​മെ​ന്നും പ്ര​തി​സ​ന്ധി അ​പ്പാ​ടെ മാ​റു​മെ​ന്ന പ്ര​തീ​ക്ഷ​യി​ലാ​യി​രു​ന്നു ഉ​ട​മ​ക​ള്‍.

എ​ന്നാ​ല്‍, തി​യ​റ്റ​റു​ക​ളി​ല്‍ ബു​ക്ക് ചെ​യ്ത ചി​ത്ര​ങ്ങ​ള്‍ പോ​ലും ഓ​ണ്‍ലൈ​ന്‍ റീ​ലി​സി​നു​പോ​യ​തു തി​രി​ച്ച​ടി​യാ​യി. കോ​ടി​ക​ള്‍ മു​ട​ക്കി തി​യ​റ്റ​ര്‍ നി​ര്‍മി​ച്ച​വ​രും ന​വീ​ക​രി​ച്ച​വ​രു​മെ​ല്ലാം വെ​ട്ടി​ലാ​യി. ബാ​ങ്കി​ല്‍ നി​ന്നും സ്വ​കാ​ര്യ പ​ണ​മി​ട​പാ​ടു സ്ഥാ​പ​ന​ങ്ങ​ളി​ല്‍ നി​ന്നും വ​ന്‍ തു​ക വാ​യ്പ​യെ​ടു​ത്ത​വ​രാ​ണു തി​രി​ച്ച​ട​വ്​ മു​ട​ങ്ങി പ്ര​തി​സ​ന്ധി​യി​ലാ​യ​ത്.

About NEWS22 EDITOR

Check Also

പാകിസ്ഥാന്‍ ക്രിക്കറ്റ് ടീമിന്റെ പരിശീലകനാകാന്‍ മാത്രം താന്‍ ഒരു മണ്ടനല്ലെന്ന് വസീം അക്രം….

താന്‍ ഒരിക്കലും ഒരു ദേശീയ ടീമിന്റെയും പരിശീലകനാകാന്‍ സാദ്ധ്യതയില്ലെന്ന് മുന്‍ പാകിസ്ഥാന്‍ ക്യാപ്ടന്‍ വസീം അക്രം. ദേശീയ ടീം പരിശീലകന്‍ …

Leave a Reply