NEWS 22 TRUTH . EQUALITY . FRATERNITY
Related Articles
കല്‍ക്കരി ക്ഷാമം രൂക്ഷമായതിനെ തുടര്‍ന്ന് മഹാരാഷ്ട്രയിലും പഞ്ചാബിലും താപവൈദ്യുതി നിലയങ്ങള്‍ അടച്ചു. മഹാരാഷ്ട്രയില്‍ പതിമൂന്നും പഞ്ചാബില്‍ മൂന്നും താപവൈദ്യുത നിലയങ്ങളാണ് പ്രതിസന്ധി മൂലം അടച്ചുപൂട്ടിയത്. നിലവില്‍ മഹാരാഷ്ട്ര നേരിടുന്നത് 3,330 മെഗാവാട്ടിന്‍റെ ക്ഷാമമാണ്.
അതെ സമയം അടിയന്തര സാഹചര്യത്തെ നേരിടാന്‍ ഹൈഡ്രോപവര്‍ യൂണിറ്റുകളില്‍ നിന്ന് വൈദ്യുതി എത്തിക്കാനുള്ള ശ്രമങ്ങള്‍ തുടരുകയാണെന്ന് മഹാരാഷ്ട്ര വൈദ്യുത സ്റ്റേറ്റ് ഇലക്‌ട്രിസിറ്റ് കമ്മീഷന്‍ വ്യക്തമാക്കി. എന്നാല്‍ പഞ്ചാബില്‍ 5,620 മെഗാവാട്ടാണ് താപവൈദ്യുതി നിലയങ്ങളുടെ ആകെ ഉത്പാദനശേഷി.
എന്നാല്‍ നിലവില്‍ 2,800 മെഗാവാട്ട് വൈദ്യുതി മാത്രമാണ് സംസ്ഥാനത്ത് ഉത്പാദിപ്പിക്കുന്നത്. കല്‍ക്കരി ക്ഷാമത്തെ തുടര്‍ന്ന് മൂന്ന് പ്ലാന്‍റുകളും സാങ്കേതിക പ്രശ്നങ്ങളെ തുടര്‍ന്ന് രണ്ട് പ്ലാന്‍റുകളും അടച്ചുപൂട്ടാന്‍ നിര്‍ബന്ധിതരായെന്ന് പഞ്ചാബ് മുഖ്യമന്ത്രി ചരണ്‍ജിത്ത് സിംഗ് ചന്നി വ്യക്തമാക്കി.
