NEWS 22 TRUTH . EQUALITY . FRATERNITY
Related Articles
ഓണ്‍ലൈനില്‍ 299 രൂപയുടെ ചുരിദാറിന് ഓര്‍ഡര്‍ നല്‍കിയ യുവതിക്ക് നഷ്ടപെട്ടത് ഒരു ലക്ഷം രൂപ. കൂട്ടുംമുഖം സ്വദേശി പ്രിയേഷിന്റെ ഭാര്യയുടെ പണമാണ് നഷ്ടപ്പെട്ടത്. ഫേസ്ബുക്കില്‍ പരസ്യം കണ്ടതിനെത്തുടര്‍ന്നാണ് യുവതി ചുരിദാറിന് ഓര്‍ഡര്‍ നല്‍കിയത്. 299 രൂപ വിലയുള്ള ചുരിദാര്‍ ടോപ്പാണ് ഓണ്‍ലൈന്‍ വഴി ബുക്ക് ചെയ്തത്.
പണം ഗൂഗ്ള്‍ പേ അക്കൗണ്ട് വഴി അയക്കുകയും ചെയ്തു. എന്നാല്‍, ഒരാഴ്ച കഴിഞ്ഞിട്ടും ചുരിദാര്‍ ലഭിക്കാത്തതിനെത്തുടര്‍ന്ന് പരസ്യത്തില്‍ക്കണ്ട സ്ഥാപനത്തിന്റെ നമ്ബറിലേക്ക് വിളിച്ചു. അപ്പോള്‍ വിലാസം പരിശോധിക്കുന്നതിനായി രജിസ്‌ട്രേഡ് മൊബൈല്‍ ഫോണില്‍നിന്ന് കമ്ബനിയുടെ നമ്ബറിലേക്ക് സന്ദേശമയക്കണമെന്ന് യുവതിയോട് അവര്‍ പറഞ്ഞു.
അതേസമയം സന്ദേശം അയച്ചതിന് പിറകെ യുവതിയുടെ ശ്രീകണ്ഠപുരം എസ്.ബി.ഐ അക്കൗണ്ടില്‍നിന്ന് ആറുതവണയായാണ് ഒരു ലക്ഷം രൂപ നഷ്ടപ്പെടുകയായിരുന്നു. ഇതോടെ ആദ്യമയച്ച 299 രൂപയടക്കം 1,00,299 രൂപയാണ് ഇവര്‍ക്ക് നഷ്ടമായത്. യുവതിയുടെ പരാതിയില്‍ ശ്രീകണ്ഠപുരം പൊലീസ് കേസെടുത്ത് അന്വേഷണം ആരംഭിച്ചു.
