Breaking News

കോവിഡ്​ രോഗികള്‍ക്ക് വേണ്ടി​ ഇരുമ്ബുമുറികള്‍, പ്രദേശമാകെയും വീട്ടുതടങ്കലില്‍; കോവിഡ്​ മുക്​തമാകാനുള്ള ചൈനീസ്​ തന്ത്രങ്ങളിങ്ങനെ…

കോവിഡ്​ ബാധിച്ചവരെയും സമ്ബര്‍ക്കമുള്ളവരെയും ദയാരഹിതമായി ‘തടവിലാക്കി’ ചൈനയുടെ കോവിഡ്​ പ്രതിരോധ പ്രവര്‍ത്തനങ്ങള്‍ സജീവം. കോവിഡിനെ പൂര്‍ണമായും ഇല്ലാതാക്കാനായി ചൈന ആവിഷ്​കരിച്ച്‌​ നടപ്പാക്കുന്നത്​ കര്‍ശന നിയന്ത്രണങ്ങളാണ്​. കോവിഡ്​ സ്​ഥിരീകരിച്ചവരെ പ്രത്യേകം നിര്‍മിച്ച കണ്ടയിനര്‍ മുറികളില്‍ ‘തടവിലാക്കുകയാണ്​’ പല പ്രവിശ്യകളിലും ചെയ്യുന്നത്​. ഒരു കട്ടിലും ശൗചാലയ സൗകര്യവുമുള്ള ഇരുമ്ബ്​ മുറികളാണിത്​.

നിരനിരയായി ഇത്തരം ഇരുമ്ബ്​ മുറികള്‍ സ്​ഥാപിച്ചതി​ന്റെയും ബസുകളില്‍ ആളുകളെ ഇവിടേക്ക്​ കൊണ്ടുവരുന്നതി​ന്റെയുമൊക്കെ വിഡിയോകള്‍ സാമൂഹിക മാധ്യമങ്ങളിലൂടെ പുറത്തുവരുന്നുണ്ട്​. ഒരു അപാര്‍ട്ട്​​മെന്‍റ്​ സമുച്ചയത്തില്‍ ആര്‍ക്കെങ്കിലും കോവിഡ്​ സ്​ഥിരീകരിച്ചാല്‍ ആ സമുച്ചയത്തിലെ മുഴുവന്‍ താമസക്കാരെയും അവരുടെ വീടുകളില്‍ നിന്നും ഫ്ലാറ്റുകളില്‍ നിന്നും പുറത്തിറങ്ങാനാകാത്ത നിലയില്‍ അടച്ചിടുന്നുമുണ്ട്​.

പലപ്പോഴും രാത്രി വൈകിയും മറ്റുമാണ്​ ഉദ്യോഗസ്​ഥര്‍ ഈ വിവരം താമസക്കാരെ അറിയിക്കുന്നത്​. ഇനി രണ്ടാഴ്​ച പുറത്തിറങ്ങാനാകില്ലെന്ന്​ രാത്രി വിവരം ലഭിക്കുന്ന അവസ്​ഥയാണ്. എപ്പോഴും വീടുകളില്‍ അടച്ചിടപ്പെടാമെന്ന സ്​ഥിയിയുള്ളതിനാല്‍ ഭ്രാന്തുപിടിച്ച പോലെ സാധനങ്ങള്‍ വാങ്ങികൂട്ടുന്ന പ്രവണതയും വ്യാപകമാണ്​. പെട്ടെന്ന്​ വീടുകളില്‍ ‘തടവിലാക്കപ്പെടുന്നവര്‍ക്ക്​’ ഭക്ഷണ സാധനങ്ങള്‍ വാങ്ങാന്‍ പോലും അനുവാദമില്ലാത്തതിനാല്‍ പലര്‍ക്കും പട്ടിണി കിടക്കേണ്ടി

വരുന്നുവെന്ന വിവരങ്ങള്‍ സാമൂഹിക മാധ്യമങ്ങളിലൂടെ പ്രചരിക്കുന്നതിനാല്‍ ആളുകള്‍ നിത്യോപയോഗ സാധനങ്ങള്‍ വാങ്ങിക്കൂട്ടുന്ന തിരക്കിലാണ്​. എന്തു വിലകൊടുത്തും പൂര്‍ണമായും കോവിഡ്​ രഹിതമാകുക എന്നതാണ്​ ചൈനീസ്​ സര്‍ക്കാര്‍ ലക്ഷ്യം വെക്കുന്നത്​. രണ്ട്​ കോടിയോളം ആളുകള്‍ വീടുകളിലും മറ്റുമായി തടവിലാണ്​. കോവിഡ്​ സ്​ഥിരീകരിച്ച പതിനായിരങ്ങള്‍ ഇരുമ്ബ്​ മുറികളിലും തടവിലാണെന്നാണ്​ അന്താരാഷ്​ട്ര മാധ്യമങ്ങള്‍ റിപ്പോര്‍ട്ട്​ ചെയ്യുന്നത്​.

About NEWS22 EDITOR

Check Also

തരിശുനിലങ്ങളിൽ കുട്ടനാടൻ മോഡലിൽ വിളഞ്ഞത് നൂറുമേനി.

പുത്തൂർ പവിത്രേശ്വരം പഞ്ചായത്തിൽ വർഷങ്ങളായി തരിശായി കിടന്ന ഏക്കർ കണക്കിന് ഏലയിൽ നടത്തിയ നെൽകൃഷി നൂറുമേനി വിളവെടുത്തു .ഉത്സവം നാടിന് …