NEWS 22 TRUTH . EQUALITY . FRATERNITY
Related Articles
കഴിഞ്ഞ ഒക്ടോബര് 29നാണ് കര്ണാടകയുടെ ഉള്ളുലച്ച് കന്നഡ നടന് പുനീത് രാജ്കുമാര് വിടവാങ്ങിയത്. ജിമ്മില് വര്ക്കൗട്ട് തുടരുന്നതിനിടെ ദേഹാസ്വാസ്ഥ്യം അനുഭവപ്പെടുകയും ഹൃദയാഘാതത്തെ തുടര്ന്ന് മരണപ്പെടുകയുമായിരുന്നു. താരം അവസാനമായി അഭിനയിച്ച ചിത്രം ‘ജെയിംസി’ന്റെ ടീസര് പുറത്തുവിട്ടു.
സൈനികനായി പുനീത് എത്തുന്ന സിനിമ ആക്ഷന് പ്രാധാന്യം നല്കി ചെയ്ത മാസ് എന്റര്ടെയ്നറാണ്. ചേതന് കുമാര് ആണ് സംവിധാനം. നടനും സഹോദരനുമായ ശിവരാജ് കുമാറാണ് പുനീതിന് ശബ്ദം നല്കിയത്.
പുനീതിന്റെ ജന്മദിനമായ മാര്ച്ച് 17 നാണ് ചിത്രം റിലീസ് ചെയ്യുന്നത്. ഒരു പാട്ടും ആക്ഷന് സീക്വന്സും ഒഴികെയുള്ള പ്രധാന ഭാഗങ്ങളെല്ലാം ചിത്രീകരിച്ച ശേഷമായിരുന്നു പുനീത് വിടപറഞ്ഞത്. പ്രിയ ആനന്ദ്, മേക ശ്രീകാന്ത്, അനു പ്രഭാകര് മുഖര്ജി എന്നിവര് പ്രധാന കഥാപാത്രങ്ങളായി ചിത്രത്തില് എത്തുന്നുണ്ട്.
