NEWS 22 TRUTH . EQUALITY . FRATERNITY
Related Articles
ട്രാഫിക് പോലീസ് ഡിപ്പാർട്ട്‌മെന്റ് പിടിച്ചെടുത്ത നൂറിലധികം അനധികൃത സൈലൻസറുകൾ റോഡ് റോളർ ഉപയോഗിച്ച് തകർത്ത് മുംബൈ പോലീസ്. തുടർന്ന് മോട്ടോർ സൈക്കിളുകളിൽ സാധാരണ സൈലൻസറുകൾ ഘടിപ്പിച്ച ശേഷം പോലീസ് മോട്ടോർ സൈക്കിളുകൾ ഉടമകൾക്ക് വിട്ടുകൊടുത്തു. നഗരത്തിൽ ശബ്‍ദ മലിനീകരണത്തിനെതിരെ ബോധവൽക്കരണം നടത്താനാണ് ഈ നീക്കം എന്ന് കാര്‍ ടോഖ് റിപ്പോര്‍ട്ട് ചെയ്യുന്നു.
റോഡ് സേഫ്റ്റി കാമ്പയിൻ സമയത്താണ് അനധികൃത സൈലൻസറുകൾ ഘടിപ്പിച്ച മോട്ടോർ സൈക്കിളുകൾ പിടിച്ചെടുക്കൽ ആരംഭിച്ചത്. എക്‌സ്‌ഹോസ്റ്റുകൾ പിടിച്ചെടുത്ത് നശിപ്പിക്കാൻ ട്രാഫിക് ജോയിന്റ് പോലീസ് കമ്മീഷണർ രാജ്വർധൻ സിൻഹ ഉത്തരവിട്ടിരുന്നു. പിടിച്ചെടുത്ത മോട്ടോർസൈക്കിൾ മോഡലുകൾ പോലീസ് വെളിപ്പെടുത്തിയില്ലെങ്കിലും എക്‌സ്‌ഹോസ്റ്റുകളുടെ ചിത്രങ്ങൾ നോക്കുമ്പോൾ, അവയിൽ മിക്കതും
റോയൽ എൻഫീൽഡ് മോട്ടോർസൈക്കിളുകളുടെ സൈലൻസറുകളെപ്പോലെ ആണ് എന്നാണ് റിപ്പോര്‍ട്ടുകള്‍. പൊതു നിരത്തുകളിൽ ആഫ്റ്റർ മാർക്കറ്റ് എക്‌സ്‌ഹോസ്റ്റുകൾ സ്ഥാപിക്കുന്നതും ഉപയോഗിക്കുന്നതും നിയമവിരുദ്ധമാണ്. ആഫ്റ്റർ മാർക്കറ്റ് എക്‌സ്‌ഹോസ്റ്റുകൾ ശബ്‍ദ മലിനീകരണം സൃഷ്‌ടിക്കുന്ന സ്റ്റോക്ക് എക്‌സ്‌ഹോസ്റ്റുകളേക്കാൾ വളരെ ഉച്ചത്തിലുള്ള ഒരു ശബ്‍ദം സൃഷ്ടിക്കുന്നു.
കൂടാതെ, ആഫ്റ്റർ മാർക്കറ്റ് എക്‌സ്‌ഹോസ്റ്റുകൾ സർക്കാർ നിശ്ചയിച്ചിട്ടുള്ള നിയമങ്ങളുമായി പൊരുത്തപ്പെടാത്തതിനാൽ, അവ സാധാരണ സ്റ്റോക്ക് എക്‌സ്‌ഹോസ്റ്റുകളേക്കാൾ മലിനീകരണം ഉണ്ടാക്കും. ആഫ്റ്റർ മാർക്കറ്റ് എക്‌സ്‌ഹോസ്റ്റുകൾക്കായി റോയൽ എൻഫീൽഡ് റൈഡർമാർ ഉൾപ്പെട്ട നിരവധി സംഭവങ്ങൾ മുമ്പ് ഉണ്ടായിട്ടുണ്ട്. പൊതുനിരത്തുകളിൽ ആഫ്റ്റർ മാർക്കറ്റ് എക്‌സ്‌ഹോസ്റ്റുകൾ ഉപയോഗിച്ചതിന് മുമ്പ് നിരവധി സൂപ്പർ ബൈക്കുകൾ പോലും പിടിക്കപ്പെട്ടിട്ടുണ്ട്.
ഇന്ത്യയിൽ ഇത്തരം ആഫ്റ്റർ മാർക്കറ്റ് എക്‌സ്‌ഹോസ്റ്റുകളുടെ വിൽപന നിയമപരമാണെങ്കിലും അവ പൊതുനിരത്തുകളിൽ ഉപയോഗിക്കാൻ കഴിയില്ല. എന്നിരുന്നാലും, റേസ് ട്രാക്കുകൾ അല്ലെങ്കിൽ സ്വകാര്യ സ്വത്ത് പോലെയുള്ള സ്വകാര്യ സ്ഥലങ്ങളിൽ അവ ഉപയോഗിക്കാൻ കഴിയും.
ഇത്തരം എക്‌സ്‌ഹോസ്റ്റുകൾ പൊതുവഴികളിൽ വളരെയധികം അസ്വസ്ഥതകൾ സൃഷ്‍ടിക്കുകയും ശബ്‍ദ മലിനീകരണത്തിന്റെ തോത് വർദ്ധിപ്പിക്കുകയും ചെയ്യുന്നു. പല സംസ്ഥാനങ്ങളിലും, ഡെസിബൽ മീറ്റർ പോലെയുള്ള ശബ്‍ദത്തിന്റെ തോത് അളക്കുന്നതിനും നിയമം ലംഘിക്കുന്നവരിൽ നിന്ന് പിഴ ഈടാക്കുന്നതിനും പോലീസുകാർ ശാസ്ത്രീയ ഉപകരണങ്ങൾ ഉപയോഗിക്കാൻ തുടങ്ങി.
മുമ്പും പോലീസ് സമാനമായ നടപടികൾ സ്വീകരിച്ചിരുന്നു. ഇതാദ്യമായല്ല റോയൽ എൻഫീൽഡ് ഉടമകൾക്കെതിരെ ട്രാഫിക് പോലീസ് ഇത്തരം നടപടികള്‍ നടത്തുന്നത്. മുൻകാലങ്ങളിലും പോലീസ് ഈ എക്‌സ്‌ഹോസ്റ്റുകൾ സ്ഥലത്തുവെച്ചു തന്നെ പിടിച്ചെടുക്കകുകും റോഡ് റോളറുകൾ ഉപയോഗിച്ച് കൂട്ടമായി നശിപ്പിക്കുകയും ചെയ്‍തിട്ടുണ്ട്.
