NEWS 22 TRUTH . EQUALITY . FRATERNITY
Related Articles
ചില പ്രവചനങ്ങള്‍ നമ്മെ ഞെട്ടിക്കാറുണ്ട്. പോള്‍ നീരാളിയെ പോലെ ചില ജീവികളും ചില മനുഷ്യന്‍മാരും ഫുട്ബാള്‍ മത്സരഫലങ്ങള്‍ പ്രവചിച്ച്‌ നമ്മെ അത്ഭുതപ്പെടുത്തിയവരാണ്.
എന്നാല്‍ എട്ടു വര്‍ഷങ്ങള്‍ക്ക് മുമ്ബ് യൂറോ കപ്പ് 2020ല്‍ ഇംഗ്ലണ്ട് ഇറ്റലിയോട് പെനാല്‍റ്റി ഷൂട്ടൗട്ടില്‍ തോല്‍ക്കുമെന്ന് പ്രവചിച്ച ഒരു ട്വീറ്റാണ് ഇപ്പോള്‍ ട്വിറ്ററില്‍ വൈറല്‍. @lawseyitfc എന്ന
ട്വിറ്റര്‍ ഹാന്‍ഡ്ലില്‍ 2013 ലാണ് ട്വീറ്റ് പ്രത്യക്ഷപ്പെട്ടത്. കാമറൂണ്‍ എന്നയാള്‍ ബ്ലാക്ക്ബെറി ഫോണ്‍ ഉപയോഗിച്ചാണ് ട്വീറ്റ് ചെയ്തിരിക്കുന്നത്.
‘യൂറോ 2020 ഫൈനലില്‍ ഇറ്റലിക്കെതിരെ ഇംഗ്ലണ്ട് പെനാല്‍റ്റി ഷൂട്ടൗട്ടില്‍ തോറ്റു, പിന്നീട് ഒന്നും മാറിയിട്ടില്ല’-2013 ഫെബ്രുവരി 22ന് കാമറൂണ്‍ കുറിച്ചു. മൈക്രോബ്ലോഗിങ് സൈറ്റില്‍ എഡിറ്റ്
ഓപ്ഷന്‍ ഇല്ലാത്തിനാല്‍ തന്നെ ട്വീറ്റ് കണ്ട് അത്ഭുതം കൂറുകയാണ് ട്വിറ്ററാറ്റികള്‍. അധിക സമയത്തും ഇരു ടീമുകളും ഓരോ ഗോളടിച്ച്‌ സമനില പാലിച്ചതോടെയാണ് ഇറ്റലി-ഇംഗ്ലണ്ട്
ഫൈനല്‍ മത്സരം പെനാല്‍റ്റി ഷൂട്ടൗട്ടിലേക്ക് നീണ്ടത്. ഷൂട്ട് ഒൗട്ടില്‍ ഇംഗ്ലണ്ടിന്‍റെ കൗമാര താരങ്ങളായ
മാര്‍കസ് റാഷ്ഫോഡിന്‍റെയും ജേഡന്‍ സാഞ്ചോയുടേയും ബുകായി സാക്കയുടേയും കിക്കുകള്‍ പിഴച്ചതോടെയാണ് ഇറ്റലി യൂറോയില്‍ രണ്ടാം മുത്തമിട്ടത്. ഇറ്റലിയുടെ ബെലോട്ടിയുടേയും ജോര്‍ജീഞ്ഞോയുടേയും കിക്കുകള്‍ ഇംഗ്ലീഷ് ഗോള്‍കീപ്പര്‍ ജോര്‍ദന്‍ പിക്ഫോര്‍ഡ് തടുത്തിട്ടു.
