NEWS 22 TRUTH . EQUALITY . FRATERNITY
Related Articles
ഉത്രാവധക്കേസില് കോടതി വിധിയെ ബഹുമാനിക്കുന്നതായും എല്ലാ വിധികള്ക്കും അതിന്റേതായ വശങ്ങളുണ്ടെന്നും മുന് കൊല്ലം റൂറല് എസ്പി എസ് ഹരിശങ്കര്. പ്രതി സൂരജിന് ലഭിച്ച ശിക്ഷാവിധിയില് തൃപ്തിയെന്നും കോടതി ശിക്ഷാവിധി പ്രസ്താവിച്ച ശേഷം എസ്പി പ്രതികരിച്ചു. ‘വധശിക്ഷ എന്ന രീതിക്ക് നിയമപരമായി ഒരുപാട് വശങ്ങളുണ്ട്. അതിലിടപെടാന് നമുക്കവകാശമില്ല.
എല്ലാ വിധികള്ക്കും അതിന്റേതായ പോസിറ്റിവ് വശങ്ങളുണ്ട്. കൃത്യമായ മാനദണ്ഡങ്ങള് കണക്കിലെടുത്താണ് ഇരട്ട ജീവപര്യന്തം ബഹുമാനപ്പെട്ട കോടതി വിധിച്ചിരിക്കുന്നത്, അദ്ദേഹം അഭിപ്രായപ്പെട്ടു. ഫോറന്സ് ഡിപ്പാര്ട്ട്മെന്റ്, ഫൊറന്സിക്, പൊലീസ്, ഉള്പ്പെടെ എല്ലാവരും സമയബന്ധിതമായി റിപ്പോര്ട്ടുകള് സമര്പ്പിച്ചതുകൊണ്ടാണ് ഇത്ര ചുരുങ്ങിയ ദിവസത്തിനുള്ളില് വിധി വരാന് കാരണമായത്’. കോടതി വിധി കൃത്യമായി പഠിച്ച ശേഷം തുടര്നടപടികള് ആലോചിക്കുമെന്നും എസ്പി പറഞ്ഞു.
