NEWS 22 TRUTH . EQUALITY . FRATERNITY
Related Articles
ഗള്ഫില് നിന്ന് കേരളത്തിലേക്കുള്ള യാത്രക്കാര് കുറഞ്ഞതോടെ ടിക്കറ്റ് നിരക്ക് കുറച്ച് വിമാന കമ്ബനികള്. ആഗസ്റ്റ് ആദ്യവാരം മുതല് സാധാരണ നിരക്കിലേക്ക് എത്തും. ഗള്ഫിലെ സ്കൂളുകള് മദ്ധ്യവേനല് അവധിക്ക് അടച്ചതും ബലിപെരുന്നാളും അവസരമാക്കി കേരളത്തിലേക്കുള്ള ടിക്കറ്റ് നിരക്ക് വിമാന കമ്ബനികള് നാലിരട്ടിയിലധികം വര്ദ്ധിപ്പിച്ചിരുന്നു.
ജൂലായിലെ ആദ്യ രണ്ട് ആഴ്ചകളിലായിരുന്നു ഏറ്റവും കൂടിയ നിരക്ക് ഈടാക്കിയിരുന്നത്. ഇതോടെ സാധാരണക്കാര്ക്ക് നാട്ടിലേക്കുള്ള യാത്ര തന്നെ ഉപേക്ഷിക്കേണ്ടി വന്നു. ജൂലായ് ഒന്നിന് അടച്ച സ്കൂളുകള് ആഗസ്റ്റ് അവസാനം തുറക്കുമെന്നതിനാല് മിക്ക പ്രവാസി കുടുംബങ്ങളും ഇതിനകം തന്നെ നാട്ടിലെത്തിയിട്ടുണ്ട്.
