NEWS 22 TRUTH . EQUALITY . FRATERNITY
Related Articles
സംസ്ഥാനത്തെ ലോക്ഡൗണ് ഇളവിനെ തുടര്ന്ന് റെഡ് സോണ് അല്ലാത്ത ജില്ലകളില് തിങ്കളാഴ്ച (20) മുതല് കെ.എസ്.ആര്.ടി.സി ബസുകള് സര്വീസ് ആരംഭിക്കും. നിയന്ത്രണങ്ങളോടെയാണ് സര്വീസിന് അനുമതി നല്കിയിരിക്കുന്നത്.
റെഡ് സോണിലുള്ള കാസര്കോട്, കണ്ണൂര്, കോഴിക്കോട്, മലപ്പുറം ജില്ലകളിലൊഴികെയാണ് സര്വീസ് നടത്തുക. ഒരു ദിശയില് 50- 60 കിലോമീറ്റര് വരെ യാത്ര ചെയ്യാനേ അനുമതിയുള്ളൂ.
ബസില് നിന്ന് യാത്ര ചെയ്യാന് അനുമതി ലഭിക്കില്ല. എല്ലാ യാത്രക്കാരും മാസ്ക് ധരിക്കണം. ബസ്സുകളില് കയറുമ്ബോള് എല്ലാവര്ക്കും സാനിറ്റൈസര് നല്കണം. മൂന്നു സീറ്റുകളുള്ളതില് ഇടയിലെ സീറ്റ് ഒഴിച്ചിട്ട് രണ്ട് പേര്ക്ക് ഇരിക്കാം.
രണ്ട് സീറ്റുകള് ഉള്ളതില് ഒരാളേ ഇരിക്കാന് പാടുള്ളൂ. കൂടാതെ, ഓറഞ്ച് എ, ബി സോണുകളില് സ്വകാര്യ വാഹനങ്ങള് നിരത്തിലിറക്കാന് അനുമതിയുണ്ട്. ഓറഞ്ച് എ സോണിലെ കൊല്ലം, പത്തനംതിട്ട,
എറണാകുളം ജില്ലകളില് 24ന് ശേഷവും ഓറഞ്ച് ബി സോണിലെ തിരുവനന്തപുരം, ആലപ്പുഴ, തൃശൂര്, പാലക്കാട്, വയനാട് ജില്ലകളില് 20ന് ശേഷവും സ്വകാര്യ വാഹനങ്ങള് നമ്ബറടിസ്ഥാനത്തില് റോഡിലിറക്കാന് സാധിക്കും.
ഒറ്റയക്ക നമ്ബറുള്ള വാഹനങ്ങള് തിങ്കള്, ബുധന്, വെള്ളി ദിവസങ്ങളില് അനുവദിക്കും. ചൊവ്വ, വ്യാഴം, ശനി ദിവസങ്ങളില് ഇരട്ടയക്ക നമ്ബറുകളും അനുവദിക്കും.
ഇരുചക്രവാഹനങ്ങളില് ഒരാള് മാത്രമേ സഞ്ചരിക്കാവൂ. എന്നാല് കുടുംബാംഗങ്ങളാണെങ്കില് രണ്ട് പേര്ക്ക് യാത്രചെയ്യാം. നാലുചക്ര വാഹനങ്ങളില് ഡ്രൈവര് അടക്കം മൂന്ന് പേരെ മാത്രമേ അനുവദിക്കൂ.
യാത്രക്കാര് നിര്ബന്ധമായും മാസ്ക് ധരിക്കണം. ഓറഞ്ച് എ, ബി സോണുകളിലെ ഹോട്ട്സ്പോട്ട് മേഖലകളില് ഈ ഇളവുകള് ബാധകമായിരിക്കില്ല. ഗ്രീന് സോണില് ഉള്പ്പെടുന്ന കോട്ടയം, ഇടുക്കി ജില്ലകളില് അന്തര്ജില്ല ഗതാഗതം ഒഴികെയുള്ള വാഹനഗതാഗതം അനുവദിക്കും.
