NEWS 22 TRUTH . EQUALITY . FRATERNITY
Related Articles
കേന്ദ്രസർക്കാറിന്റെ കാർഷിക നിയമങ്ങൾക്കെതിരെ പ്രതിഷേധിച്ച് വിവിധ സംസ്ഥാനങ്ങളിലെ കർഷകർ രാജ്യതലസ്ഥാനത്തേക്ക് നടത്തുന്ന ‘ഡൽഹി ചലോ’ മാർച്ചിന് പിന്തുണയുമായി ഇന്ത്യൻ ക്രിക്കറ്റ് താരം ഹർഭജൻ സിങ്.
ട്വിറ്ററിലൂടെയാണ് താരം തന്റെ നിലപാട് വ്യക്തമാക്കിയത്.
ഹർഭജന്റെ ട്വിറ്റർ പോസ്റ്റ് ഇങ്ങനെ :
”കൃഷിക്കാരാണ് നമ്മുടെ ദാതാവ്. അന്നം തരുന്നവർക്ക് നമ്മൾ സമയം നൽകണം. അത് ന്യായമല്ലേ?. പൊലീസ് നടപടികളില്ലാതെ അവരെ കേൾക്കാനാകില്ലേ?. കർഷകരെ ദയവായി കേൾക്കൂ” -ഹർഭജൻ സിങ് ട്വിറ്ററിൽ കുറിച്ചു.
കർഷകർ പൊലീസിന് കുടിവെള്ളം നൽകുന്ന ചിത്രവും ഹർഭജൻ പങ്കുവെച്ചിട്ടുണ്ട്. നേരത്തെ കാർഷിക ബില്ലിനെതിരെ പഞ്ചാബിൽ പൊട്ടിപ്പുറപ്പെട്ട കർഷക സമരങ്ങൾക്കും ഹർഭജൻ പിന്തുണ പ്രഖ്യാപിച്ചിരുന്നു.
