Breaking News

24 മണിക്കൂറിനിടെ വടക്ക്​ കിഴക്കന്‍ സംസ്​ഥാനങ്ങളില്‍ അഞ്ച്​ ഭൂചലനം

24 മണിക്കൂറിനിടെ വടക്കുകിഴക്കന്‍ മേഖലയില്‍ അഞ്ച്​ തവണ ഭൂചലനങ്ങളുണ്ടായതായി അധികൃതര്‍. ഇതില്‍ അവസാനത്തേത് അസമിലാണ്​ ശനിയാഴ്​ച പുലര്‍ച്ചെ 1.07ന്​ ​ ഉണ്ടായത്​. 4.2 ആണ്​ ​തീവ്രത രേഖപ്പെടുത്തിയതെന്ന്

നാഷനല്‍ സെന്‍റര്‍ ഫോര്‍ സീസ്മോളജി അധികൃതര്‍ അറിയിച്ചു. 30 കിലോമീറ്റര്‍ വ്യാപ്​തിയില്‍ സോണിത്പൂര്‍ ജില്ലയുടെ ആസ്ഥാനമായ തേസ്​പിരിനടുത്താണ്​ ഭൂചലനത്തിന്റെ പ്രഭവകേന്ദ്രം. വെള്ളിയാഴ്​ച പുലര്‍ച്ചെ 4.1 തീവ്രത രേഖപ്പെടുത്തിയ

രണ്ട് ഭൂചലനങ്ങള്‍ കൂടി അസമിനെ ഞെട്ടിച്ചിരുന്നു . സോണിത്​പുര്‍ ജില്ല തന്നെയായിരുന്നു പ്രഭവകേന്ദ്രം. അതെ സമയം മണിപ്പൂരിലെ ചന്ദല്‍ ജില്ലയില്‍ മൂന്ന്​ തീവ്രത രേഖപ്പെടുത്തിയ ഭൂചലനമുണ്ടായി.

മേഘാലയയിലെ വെസ്റ്റ് ഖാസി ഹില്‍സ് ജില്ലയില്‍ 2.6 തീവ്രത രേഖപ്പെടുത്തിയ ഭൂചലനമാണ്​ അഞ്ചാമത്തേത്​. എന്നാല്‍ , ഭൂചലനത്തില്‍ ജീവനോ സ്വത്തിനോ നാശനഷ്ടങ്ങള്‍ റിപ്പോര്‍ട്ട് ചെയ്തിട്ടില്ല. അതെ സമയം ഏപ്രില്‍ 28ന് അസമില്‍ 6.4 തീവ്രത രേഖപ്പെടുത്തിയ ഭൂചലനം റിപ്പോര്‍ട്ട് ചെയ്തിരുന്നു .

About NEWS22 EDITOR

Check Also

തരിശുനിലങ്ങളിൽ കുട്ടനാടൻ മോഡലിൽ വിളഞ്ഞത് നൂറുമേനി.

പുത്തൂർ പവിത്രേശ്വരം പഞ്ചായത്തിൽ വർഷങ്ങളായി തരിശായി കിടന്ന ഏക്കർ കണക്കിന് ഏലയിൽ നടത്തിയ നെൽകൃഷി നൂറുമേനി വിളവെടുത്തു .ഉത്സവം നാടിന് …