Breaking News

നൃത്തംചെയ്തതിന് പ്രതിശ്രുത വരന്‍ കരണത്തടിച്ചു; അടുത്തദിവസം യുവതി മറ്റൊരാളെ വിവാഹം കഴിച്ചു

വിവാഹത്തലേന്ന്​ നടന്ന സല്‍ക്കാരച്ചടങ്ങില്‍ സംഘടിപ്പിച്ച ഡി.ജെ പാര്‍ട്ടിയില്‍ നൃത്തം ചെയ്തതിന്​ കരണത്തടിച്ച പ്രതിശ്രുത വരനെ ഉപേക്ഷിച്ച്‌​ അടുത്ത ദിവസം യുവതി ബന്ധുവായ യുവാവിനെ വിവാഹം കഴിച്ചു. സംഭവവുമായി ബന്ധപ്പെട്ട്​ ഇരുകൂട്ടരും പൊലീസില്‍ പരാതി നല്‍കി. കടലൂര്‍ ജില്ലയിലെ പന്‍രുട്ടിയിലാണ്​ കേസിനാസ്പദ സംഭവം നടന്നത്​.

ചെന്നൈയിലെ സ്വകാര്യ സ്ഥാപനത്തിലെ എന്‍ജിനീയറായ പെരിയക്കാട്ടുപാളയം സ്വദേശിയായ യുവാവും പന്‍രുട്ടി സ്വദേശിനിയായ യുവതിയും തമ്മിലെ വിവാഹമാണ്​ അപ്രതീക്ഷിത സംഭവത്തോടെ അലസിപ്പിരിഞ്ഞത്​. പന്‍രുട്ടിയില്‍ വിവാഹ സല്‍ക്കാരവും അടുത്ത ദിവസം രാവിലെ കടമ്ബുലിയൂരില്‍ താലികെട്ടും നടത്താനാണ്​ ഇരുവീട്ടുകാരും തീരുമാനിച്ചിരുന്നത്​.

വിവാഹ സല്‍ക്കാരച്ചടങ്ങിനോടനുബന്ധിച്ച്‌​ നടന്ന ഡി.ജെ പാര്‍ട്ടിയില്‍ ബന്ധുവായ യുവാവ്​ വധുവി​ന്‍റെ തോളില്‍ കൈയിട്ട്​ നൃത്തം ചെയ്തതാണ്​ പ്രതിശ്രുത വരനെ കുപിതനാക്കിയത്. പ്രകോപിതനായ വരന്‍ പരസ്യമായി വധുവി​​ന്‍റെ കരണത്തടിക്കുകയായിരുന്നു. ഇതോടെ വധു- വരന്‍മാരുടെ വീട്ടുകാര്‍ തമ്മില്‍ വാക്​തര്‍ക്കവും ബഹളവും അരങ്ങേറി.

തുടര്‍ന്ന്​ അടുത്തദിവസം രാവിലെ വധുവി​ന്‍റെ വീട്ടുകാര്‍ അകന്ന ബന്ധുവായ യുവാവിനെക്കൊണ്ട്​ പെണ്‍കുട്ടിയെ വിവാഹം കഴിപ്പിക്കുകയായിരുന്നു. വിവാഹത്തിന്​ ഏഴ്​ ലക്ഷം രൂപ ചെലവഴിച്ചതായും ​നഷ്ട​പരിഹാരം ആവശ്യപ്പെട്ട്​ വര‍​ന്‍റെ കുടുംബാംഗങ്ങള്‍ പന്‍രുട്ടി പൊലീസില്‍ പരാതി നല്‍കി. വധുവി​ന്‍റെ കരണത്തടിച്ച യുവാവിനെതിരെയും പൊലീസില്‍ പരാതിയുണ്ട്​.

About NEWS22 EDITOR

Check Also

തരിശുനിലങ്ങളിൽ കുട്ടനാടൻ മോഡലിൽ വിളഞ്ഞത് നൂറുമേനി.

പുത്തൂർ പവിത്രേശ്വരം പഞ്ചായത്തിൽ വർഷങ്ങളായി തരിശായി കിടന്ന ഏക്കർ കണക്കിന് ഏലയിൽ നടത്തിയ നെൽകൃഷി നൂറുമേനി വിളവെടുത്തു .ഉത്സവം നാടിന് …