NEWS 22 TRUTH . EQUALITY . FRATERNITY
Related Articles
വീരമൃത്യു വരിച്ച ജവാന് വൈശാഖിന് ജന്മനാടായ കുടവട്ടൂരില് സ്മൃതി മണ്ഡപം. കുടവട്ടൂര് ശില്പാലയത്തില് ഹരികുമാര്-ബീനാകുമാരി ദമ്ബതികളുടെ മകന് അക്കു എന്ന വൈശാഖ് (24) 2021 ഒക്ടോബര് 11 നാണ് പൂഞ്ചില് ഭീകരാക്രമണത്തില് മരിച്ചത്. അക്കു സൗഹൃദ കൂട്ടായ്മയുടെ നേതൃത്വത്തില് മുപ്പതിനായിരത്തോളം രൂപ ചെലവഴിച്ചാണ് കുടവട്ടൂര് ചപ്പാത്ത് മുക്കില് സ്മൃതി മണ്ഡപം നിര്മിച്ചത്.
2001 ജമ്മുവില് വീരമൃത്യു വരിച്ച കുടവട്ടൂര് പൂണൂര് അഴികത്ത് വീട്ടില് ശ്രീകുമാറിന്റെ ഓര്മക്കായി നിര്മിച്ച വെയ്റ്റിങ് ഷെഡിനോട് ചേര്ന്നാണ് വൈശാഖിന്റെ സ്മൃതി മണ്ഡപം. അനാച്ഛാദന കര്മം പിതാവ് ഹരികുമാര് നിര്വഹിച്ചു. പഞ്ചായത്ത് വൈസ് പ്രസിഡന്റ് രമണി, പ്രദേശവാസികള് എന്നിവര് പങ്കെടുത്തു. പടം: കുടവട്ടൂരില് ജവാന് വൈശാഖിന്റെ സ്മൃതി മണ്ഡപത്തിന്റെ അനാച്ഛാദനം പിതാവ് ഹരികുമാര് നിര്വഹിക്കുന്നു
