NEWS 22 TRUTH . EQUALITY . FRATERNITY
Related Articles
വിവാഹത്തില്‍ പങ്കെടുത്ത 87 അതിഥികള്‍ക്ക് കോവിഡ്. തെലങ്കാനയിലെ നിസാമാബാദ് ജില്ലയിലെ ഹന്‍മജിപേട്ട് ഗ്രാമത്തിലാണ് സംഭവം. 370 പേര്‍ വിവാഹത്തില്‍ പങ്കെടുത്തതായാണ് വിവരം.
കൂടുതല്‍ പേര്‍ക്ക് കോവിഡ് സ്ഥിരീകരിച്ചതോടെ എല്ലാവരെയും പരിശോധനക്ക് വിധേയമാക്കുകയായിരുന്നു. രോഗം സ്ഥിരീകരിച്ചവരെയെല്ലാം വീട്ടുനിരീക്ഷണത്തിലാക്കി. ഗ്രാമത്തില്‍ ഒരു ഐസൊലേഷന്‍ സെന്‍റര്‍ ഒരുക്കുകയും ചെയ്തു.
രോഗികളുമായി സമ്ബര്‍ക്കത്തിലായവരെ കണ്ടെത്താനുള്ള ശ്രമത്തിലാണ് അധികൃതര്‍. തൊട്ടടുത്ത ഗ്രാമമായ സിദ്ധപുര്‍ ഗ്രാമത്തില്‍നിന്നും നിരവധിപേര്‍ വിവാഹത്തില്‍ പങ്കെടുക്കാനെത്തിയിരുന്നു.
ഇവിടെയും കൂടുതല്‍പേര്‍ക്ക് രോഗം സ്ഥിരീകരിച്ചതായും അധികൃതര്‍ പറയുന്നുണ്ട്. നിരവധി പേരെ നിസാമാബാദിലെ ജനറല്‍ ആശുപത്രിയില്‍ പ്രവേശിപ്പിച്ചിട്ടുണ്ട്. സിദ്ധാപൂര്‍ ഗ്രാമത്തിലും ആരോഗ്യവിദഗ്ധര്‍ കോവിഡ് പരിശോധന ക്യാമ്ബുകള്‍ തുടങ്ങി.
