NEWS 22 TRUTH . EQUALITY . FRATERNITY
Related Articles
നഗരത്തിലെ കാന്ഡിവാലി മേഖലയില് ഹൗസിങ് സൊസൈറ്റിയുമായി ബന്ധപ്പെട്ട് നടന്ന വാക്സിന് തട്ടിപ്പില് കേസെടുത്ത് മുംബൈ പൊലീസ്. കേസില് നാല് പേര് അറസ്റ്റിലായിട്ടുണ്ടെന്നും പൊലീസ് അറിയിച്ചു.
വഞ്ചന, തട്ടിപ്പ് തുടങ്ങിയ വകുപ്പുകള് പ്രകാരമാണ് അറസ്റ്റ്. വാക്സിന് വിതരണം ചെയ്തു എന്ന് സംശയിക്കുന്ന കരീം എന്നയാളെ മധ്യപ്രദേശില് നിന്നും പൊലീസ് അറസ്റ്റ് ചെയ്തിട്ടുണ്ട്. തട്ടിപ്പ് പുറത്തായതോടെ ഇയാള് മുംബൈ വിടുകയായിരുന്നു.
ആളുകള്ക്ക് വിതരണം ചെയ്ത് വാക്സിനെ സംബന്ധിച്ച് ബൃഹാന്മുംബൈ മുന്സിപ്പല് കോര്പ്പറേഷന് റിപ്പോര്ട്ട് ലഭിച്ച ശേഷം കൂടുതല് നടപടികള് സ്വീകരിക്കുമെന്നും മുംബൈ പൊലീസ് അറിയിച്ചു.
വാക്സിന് തട്ടിപ്പുമായി ബന്ധപ്പെട്ട് മാച്ച്ബോക്സ് പിക്ചേഴ്സ് എന്ന സ്ഥാപനവും പരാതി നല്കിയിട്ടുണ്ട്. കമ്ബനി ജീവനക്കാര്ക്ക് വാക്സിന് നല്കിയതുമായി ബന്ധപ്പെട്ടാണ് പരാതി. പൊലീസ് പരാതിയില് കേസെടുത്തിട്ടില്ല.
അന്വേഷണം നടക്കുകയാണെന്നും ഇതിന് ശേഷം കേസെടുക്കുമെന്നാണ് പൊലീസ് അറിയിക്കുന്നത്. നേരത്തെ കാന്ഡിവാലി ഏരിയയിലെ ഹിരാനന്ദിനി ഹെറിറ്റേജ് സൊസൈറ്റിയിലാണ് വാക്സിന് തട്ടിപ്പ് നടന്നത്. 390 പേര്ക്കാണ് ഇവിടെ വാക്സിന് വിതരണം ചെയ്തത്. എന്നാല് ഇവര്ക്ക് വാക്സിന് സര്ട്ടിഫിക്കറ്റ് ലഭിച്ചിരുന്നില്ല.
