NEWS 22 TRUTH . EQUALITY . FRATERNITY
Related Articles
പോരിന് കൊണ്ടുപോകുന്നതിനിടെ സ്വന്തം കോഴിയുടെ ആക്രമണത്തില് മധ്യവയസ്കന് ദാരുണാന്ത്യം. ആന്ധ്രാപ്രദേശില് 55കാരനായ സരിപ്പള്ളി വെങ്കടേശ്വര റാവുവാണ് മരിച്ചത്. ജനുവരി 15നായിരുന്നു സംഭവം നടന്നത്.
കോഴിപ്പോരിന് തന്റെ കോഴിയെ കൊണ്ടുപോകുന്ന വഴിയായിരുന്നു അപകടം സംഭവിച്ചത്. കോഴിയുടെ നഖത്തില് കെട്ടിവെച്ചിരുന്ന മൂര്ച്ചയേറിയ കത്തി വെങ്കടേശ്വര റാവുവിന്റെ കഴുത്തില് കൊണ്ട് ഞരമ്പ് മുറിയുകയായിരുന്നു.
ഇയാളെ ഉടന് തന്നെ ആശുപത്രിയിലെത്തിച്ചെങ്കിലും ജീവന് രക്ഷിക്കാന് സാധിച്ചില്ല. കാലുകളില് മൂര്ച്ചയേറിയ കത്തി കെട്ടിവെച്ചാണ് കോഴികളെ കോഴിപ്പോരിനിറക്കുന്നത്. അനധികൃതമായി നടത്തുന്ന കോഴിപ്പോരിനിടെ ആളുകള്ക്ക് പരിക്കേല്ക്കുന്നത് സാധാരണയാണ്.
