NEWS 22 TRUTH . EQUALITY . FRATERNITY
Related Articles
വെള്ളിയാഴ്ച ഭാരത് ബന്ദിന് ആഹ്വാനം ചെയ്ത് കോണ്ഫെഡറേഷന് ഓഫ് ഓള് ഇന്ത്യ ട്രഡേഴ്സ്. രാജ്യത്തെ അടിക്കടിയുള്ള ഇന്ധന വിലവര്ധനവ്, പുതിയ ഇ-വേ ബില്, ജിഎസ്ടി എന്നിവയില്
പ്രതിഷേധിച്ചാണ് ബന്ദിന് ആഹ്വാനം ചെയ്തിരിക്കുന്നത്. അതേ സമയം കേരളത്തില് ബന്ദ് ശക്തമാകാന് സാധ്യതയില്ല. കേരള വ്യാപാരി വ്യവസായി ഏകോപന സമിതി ബന്ദില് പങ്കെടുക്കില്ലെന്ന് വ്യക്തമാക്കിയിട്ടുണ്ട്.
അതെ സമയം കേരളത്തിലെ മറ്റു വ്യാപാര സംഘടനകള് നിലപാട് വ്യക്തമാക്കിയിട്ടില്ല. 40000 വ്യാപാര സംഘടനകള് ബന്ദിന് പിന്തുണയര്പ്പിച്ചിട്ടുണ്ടെന്ന് കോണ്ഫെഡറേഷന് ഓഫ് ഓള് ഇന്ത്യ ട്രഡേഴ്സ് അവകാശപ്പെട്ടു.
ഓള് ഇന്ത്യ ട്രാന്സ്പോര്ട്ട് വെല്ഫയര് അസോസിയേഷനും (എ.ഐ.ടി.ഡബ്ല്യു.എ) ബന്ദിന് പിന്തുണയര്പ്പിച്ചിട്ടുണ്ട്. റോഡുകള് ഉപരോധിച്ചുള്ള സമരപരിപാടികളായിരിക്കും നടത്തുകയെന്ന് എ.ഐ.ടി.ഡബ്ല്യു.എ അറിയിപ്പ് നല്കി
