ഫലസ്തീന് പൗരന്മാര്ക്കെതിരെയുള്ള ഇസ്രായേല് ആക്രമണം തുടരുന്നതിനിടെ ഐക്യദാര്ഢ്യവുമായി ഫുട്ബാള് താരങ്ങള്. ലിവര്പൂളിന്റെ ഈജിപ്ഷ്യന് സൂപ്പര് താരം
മുഹമ്മദ് സലാഹ്, മാഞ്ചസ്റ്റര് സിറ്റിയുടെ അള്ജീരിയന് താരം റിയാദ് മെഹ്റസ്, ഇന്റര് മിലാന്റെമൊറോക്കന് താരം അഷ്റഫ് ഹാക്കിമി എന്നിവരാണ് ഐക്യദാര്ഢ്യം പ്രഖ്യാപിച്ച് രംഗത്ത് വന്നിരിക്കുന്നത്.
”ഞാന് നാലുവര്ഷമായി ജീവിക്കുന്ന രാജ്യത്തെ പ്രധാനമന്ത്രിയടക്കമുള്ള ലോക നേതാക്കളോട് ഞാന് ആവശ്യപ്പെടുന്നു. നിഷ്കളങ്കരായ മനുഷ്യര്ക്ക് നേരെയുള്ള ആക്രമണങ്ങളും കൊലപാതകവും നിര്ത്താനായി
നിങ്ങളുടെ എല്ലാ അധികാരവും ഉപയോഗിക്കൂ. ഇത് മതിയാക്കാം.” -ബ്രിട്ടീഷ് പ്രധാനമന്ത്രി ബോറിസ് ജോണ്സനെ ടാഗ് ചെയ്ത് സലാഹ് പറഞ്ഞു. മസ്ജിദുല് അഖ്സക്ക് മുന്നില് നില്ക്കുന്ന ചിത്രവും സലാഹ് മറ്റൊരു പോസ്റ്റില് പങ്കുവെച്ചു.
മാഞ്ചസ്റ്റര് സിറ്റി താരം മെഹ്റസ് സേവ് ഷെയ്ഖ് ജറ്റാഹ് എന്ന പോസ്റ്റര് പങ്കുവെച്ച് ഫലസ്തീന് ഐക്യദാര്ഢ്യമര്പ്പിച്ചു. ഫ്രീ ഫലസ്തീന് എന്ന തലക്കെട്ടോടെ ഫലസ്തീന് വനിതയുടെ വിഡിയോ പങ്കുവെച്ചാണ് ഹാക്കിമി ഐക്യദാര്ഢ്യം പ്രഖ്യാപിച്ചത്.