Latest News

കൊല്ലം: ചിന്താ ജെറോം റിസോർട്ട് വിവാദത്തിൽ വിശദീകരണവുമായി തങ്കശ്ശേരിയിലെ ഫോർ സ്റ്റാർ റിസോർട്ട് ഉടമ. ചിന്ത ജെറോം കുടുംബസുഹൃത്താണ്. സ്ഥാപനം നിശ്ചയിച്ച വാടക നൽകിയാണ് ചിന്ത താമസിച്ചത്. ചിന്തയുടെ അമ്മയെ ചികിത്സിച്ചിരുന്നത് തൻ്റെ ഭാര്യയാണെന്നും റിസോർട്ട് ഉടമ പറഞ്ഞു. നിയമങ്ങൾ പാലിച്ചാണ് സ്ഥാപനം പ്രവർത്തിക്കുന്നത്. തീരദേശ പരിപാലന നിയമം ലംഘിച്ചിട്ടില്ലെന്നുമാണ് ഉടമയുടെ വിശദീകരണം. ഒന്നേമുക്കാൽ വർഷത്തോളം ചിന്ത അമ്മയോടൊപ്പം കൊല്ലത്തെ ഫോർ സ്റ്റാർ ഹോട്ടലിൽ താമസിച്ചെന്നും സാമ്പത്തിക സ്രോതസ് പരിശോധിക്കണമെന്നും …

തിരുവനന്തപുരം: കേരളത്തിലെ റോഡുകളെ അതിവേഗം കീഴടക്കി പുത്തൻ വാഹനങ്ങൾ. മുൻ വർഷങ്ങളെ അപേക്ഷിച്ച് വാഹന രജിസ്ട്രേഷനിൽ കഴിഞ്ഞ വർഷം വലിയ മുന്നേറ്റമാണുണ്ടായത്. സർക്കാരിൻ്റെ പരിവാഹൻ വെബ്സൈറ്റിൽ നിന്നുള്ള ഡാറ്റ വ്യക്തമാക്കുന്നത് ഈ മേഖലയിൽ നിന്നുള്ള വരുമാനത്തിലും വലിയ കുതിച്ചുചാട്ടം ഉണ്ടായിട്ടുണ്ടെന്നാണ്. കഴിഞ്ഞ വർഷം ഏഴ് ലക്ഷത്തിലധികം വാഹനങ്ങളാണ് കേരളത്തിൽ രജിസ്റ്റർ ചെയ്തത്. ഔദ്യോഗിക കണക്കുകൾ പ്രകാരം 7,83,719 വാഹനങ്ങൾ. 2021ൽ ഇത് 7,65,596 ആയിരുന്നു. 2022 ൽ സംസ്ഥാനത്ത് വാഹന …

ന്യൂഡൽഹി: രാഷ്ട്രപതിയെ ചിലർ ജാതിപ്പേര് വിളിച്ച് അധിക്ഷേപിച്ചതായി പ്രധാനമന്ത്രി നരേന്ദ്ര മോദി. പാർലമെന്‍റിൽ രാഷ്ട്രപതിയുടെ പ്രസംഗം തടസ്സപ്പെടുത്താൻ ശ്രമിച്ചെന്നും ഇതിലൂടെ വിദ്വേഷത്തിന്‍റെ രാഷ്ട്രീയമാണ് പുറത്തുവന്നതെന്നും പ്രധാനമന്ത്രി പറഞ്ഞു. ലോക്സഭയിൽ രാഷ്ട്രപതിയുടെ പ്രസംഗത്തിനുള്ള നന്ദിപ്രമേയ ചർച്ചയ്ക്കിടെയായിരുന്നു പ്രധാനമന്ത്രിയുടെ പരാമർശം. റിപ്പബ്ലിക്കിന്‍റെ അധ്യക്ഷയെന്ന നിലയിൽ രാഷ്ട്രപതിയുടെ സാന്നിധ്യം ചരിത്രപരവും രാജ്യത്തെ പെൺമക്കൾക്കും സഹോദരിമാർക്കും പ്രചോദനവുമാണ്. ആദിവാസി സമൂഹത്തിന്‍റെ അഭിമാനം ഉയർത്തിപിടിക്കുകയാണ് രാഷ്‌ട്രപതി. സ്വാതന്ത്ര്യം ലഭിച്ച് വർഷങ്ങൾക്കുശേഷം ആദിവാസി സമൂഹത്തിന്‍റെ അഭിമാനബോധവും ആത്മവിശ്വാസവും വർദ്ധിച്ചു. …

ന്യൂഡല്‍ഹി: രാഹുൽ ഗാന്ധിയുടെ പ്രസംഗത്തിലെ പ്രധാനമന്ത്രിയെക്കുറിച്ചുള്ള പരാമർശങ്ങൾ സഭാ രേഖകളിൽ നിന്ന് നീക്കം ചെയ്തു. രാഹുൽ ഗാന്ധിയുടെ പ്രസംഗത്തിലെ ചില ഭാഗങ്ങൾ നീക്കം ചെയ്യാൻ ലോക് സഭാ സ്പീക്കർ നിര്‍ദ്ദേശം നല്‍കി. ബുധനാഴ്ച 12.30 ഓടെ ഇവ നീക്കം ചെയ്തതായി അറിയിപ്പ് വന്നു. പ്രധാനമന്ത്രിക്കെതിരെ അടിസ്ഥാനരഹിതവും വിവേകശൂന്യവുമായ ആരോപണങ്ങൾ രാഹുൽ ഗാന്ധി ഉന്നയിച്ചുവെന്ന് ആരോപിച്ച് പാർലമെന്‍ററി കാര്യ മന്ത്രി പ്രഹ്ലാദ് ജോഷി നേരത്തെ അവകാശ ലംഘനത്തിനു നോട്ടീസ് നൽകിയിരുന്നു. ഇതിനു …

കണ്ണൂർ: കണ്ണൂർ എസ്.എൻ കോളേജിൽ എസ്.എഫ്.ഐ -കെ.എസ്.യു സംഘർഷം. സംഭവത്തിൽ നാല് പേർക്ക് പരിക്കേറ്റു. രണ്ട് കെ.എസ്.യു പ്രവർത്തകർക്കും രണ്ട് എസ്.എഫ്.ഐ പ്രവർത്തകർക്കുമാണ് പരിക്കേറ്റത്. പ്രകീർത്ത് മുണ്ടേരി, മുഹമ്മദ് റിസ്വാൻ, ആതിഥ്യൻ, അനഗ് എന്നിവർക്കാണ് പരിക്കേറ്റത്. കെ.എസ്.യു പ്രവർത്തകരെ എസ്.എഫ്.ഐ പ്രവർത്തകർ വളഞ്ഞിട്ട് മർദ്ദിക്കുകയായിരുന്നുവെന്ന് നേതാക്കൾ ആരോപിച്ചു. സമീപത്തെ എസ്.എൻ.ജി കോളേജിൽ നടന്ന സംഘർഷത്തിന്‍റെ തുടർച്ചയാണ് എസ്.എൻ കോളേജിലെ സംഘർഷം.

തിരുവനന്തപുരം: ചിന്താ ജെറോമിന് പിന്തുണയുമായി സി.പി.എം നേതാവ് പി.കെ ശ്രീമതി. കഴിഞ്ഞ കുറച്ച് ദിവസങ്ങളായി ചിന്തയ്ക്കെതിരെ നടക്കുന്നത് അപവാദത്തിന്‍റെ പെരും മഴയാണെന്നും ചിന്ത ഒരു സ്ത്രീയായതുകൊണ്ടാണ് നീചമായ വിമർശനങ്ങൾ നടത്തുന്നതെന്നും ഫേസ്ബുക്ക് പോസ്റ്റിലൂടെ ശ്രീമതി പറഞ്ഞു. കേരള സമൂഹത്തിൽ ഇപ്പോഴും നിലനിൽക്കുന്ന അധഃപതിച്ച യാഥാസ്ഥിതികത ഉയർന്ന വിദ്യാഭ്യാസ യോഗ്യതയും വ്യക്തമായി സംസാരിക്കാൻ കഴിവുമുള്ള ഒരു യുവതിയെ, പ്രത്യേകിച്ച് അവിവാഹിതയായ സ്ത്രീയെ, ധൈര്യത്തോടെയും നിശ്ചയദാർഢ്യത്തോടെയും ജീവിക്കാൻ അനുവദിക്കില്ലെന്നും അവർ വിമർശിച്ചു. തെറ്റുപറ്റിയിട്ടുണ്ടെങ്കിൽ …

ഇസ്ലാമാബാദ്: ഇന്ത്യയിലേക്ക് പുറപ്പെട്ട 190 ഓളം ഹിന്ദുക്കളെ പാകിസ്ഥാൻ അധികൃതർ തടഞ്ഞുവച്ചതായി വിവരം. സിന്ധ് പ്രവിശ്യയിൽ താമസിക്കുന്ന 190 ഹിന്ദുക്കളെ ഇന്ത്യാ സന്ദർശനത്തിന്‍റെ ഉദ്ദേശ്യത്തെക്കുറിച്ച് തൃപ്തികരമായ പ്രതികരണം ലഭിക്കാത്തതിനെ തുടർന്ന് പാകിസ്ഥാൻ അധികൃതർ തടഞ്ഞതായാണ് റിപ്പോർട്ട്. സിന്ധിന്‍റെ ഉൾപ്രദേശങ്ങളിൽ നിന്നുള്ള കുട്ടികളും സ്ത്രീകളും ഉൾപ്പെടെയുള്ള കുടുംബങ്ങൾ തീർത്ഥാടന വിസയിൽ ഇന്ത്യയിലേക്ക് പോകാൻ ചൊവ്വാഴ്ച വാഗാ അതിർത്തിയിൽ എത്തിയതായി റിപ്പോർട്ടുകളുണ്ടായിരുന്നു. എന്നാൽ യാത്രയുടെ ഉദ്ദേശം വിശദീകരിക്കാൻ കഴിയാത്തതിനാൽ പാകിസ്ഥാൻ ഇമിഗ്രേഷൻ അധികൃതർ ഇവരെ …

തിരുവനന്തപുരം: ദുരിതാശ്വാസ സഹായമായി തുർക്കിക്ക് 10 കോടി ബജറ്റിൽ അനുവദിച്ച് കേരള സർക്കാർ. നിയമസഭയിൽ ബജറ്റ് ചർച്ചയ്ക്ക് നൽകിയ മറുപടിയിലാണ് ധനമന്ത്രി പുതിയ തീരുമാനം പ്രഖ്യാപിച്ചത്. കൊച്ചി നഗരത്തിലെ വെള്ളക്കെട്ട് പരിഹരിക്കാൻ 10 കോടി രൂപയും അഷ്ടമുടിക്കായലിന്‍റെ ശുചീകരണത്തിനായി അഞ്ച് കോടി രൂപയും അനുവദിച്ചിട്ടുണ്ട്. അങ്കണവാടി, ആശാ വർക്കർമാർക്കും ശമ്പളക്കുടിശ്ശിക അനുവദിച്ചിട്ടുണ്ട്.

അയിലൂര്‍(പാലക്കാട്): പാലക്കാട് അയിലൂർ സ്വദേശിയായ സിആർപിഎഫ് ജവാൻ ഛത്തീസ്ഗഡിൽ സ്വയം വെടിവച്ച് മരിച്ചതായി വിവരം.അയിലൂര്‍ തിരുവഴിയാട് ഇടപ്പാടം വീട്ടിൽ മണികണ്ഠന്‍റെ മകൻ വിനു (37) ആണ് മരിച്ചത്. ചൊവ്വാഴ്ച രാവിലെയായിരുന്നു സംഭവം. മാവോയിസ്റ്റ് സ്വാധീനമുള്ള ബീജാപൂർ ജില്ലയിലെ 85-ാം ബറ്റാലിയനിലെ അംഗമാണ് വിനു. മൂന്ന് ദിവസം മുമ്പാണ് നാട്ടിലെത്തി മടങ്ങിയത്. ജോലിക്ക് പോകുന്നതിനു മുമ്പ് ബാരക്കിൽ പ്രവേശിച്ച വിനു തോക്കുപയോഗിച്ച് സ്വയം വെടിവച്ച് മരിക്കുകയായിരുന്നുവെന്നാണ് ബന്ധുക്കളെ അറിയിച്ചത്. സംഭവത്തിൽ അന്വേഷണം …

തിരുവനന്തപുരം: ഇന്ധന സെസ് അടക്കമുള്ള ബജറ്റിൽ പ്രഖ്യാപിച്ച നികുതി വർദ്ധനവ് പിൻവലിക്കണമെന്ന ആവശ്യം തള്ളി ധനമന്ത്രി കെ എൻ ബാലഗോപാൽ. ഇന്ധന സെസ് ഒരു രൂപ കുറയ്ക്കുമെന്ന മാധ്യമ വാർത്തകൾ കണ്ടാണ് പ്രതിപക്ഷം സമരത്തിന് തയ്യാറായതെന്നും ധനമന്ത്രി പരിഹസിച്ചു. ചെലവ് ചുരുക്കുക എന്നത് വിദേശത്ത് പോകുന്നതും കാർ വാങ്ങുന്നത് ഒഴിവാക്കുകയുമല്ല. പദ്ധതികളിൽ പ്രായോഗികവും ശാസ്ത്രീയവുമായ രീതികൾ ഏർപ്പെടുത്തി ചെലവ് ചുരുക്കുന്നതെന്നും മന്ത്രി പറഞ്ഞു. നികുതി നിർദ്ദേശങ്ങൾ വളരെയധികം വിമർശനങ്ങൾക്ക് വിധേയമായിട്ടുണ്ട്. …