NEWS 22 TRUTH . EQUALITY . FRATERNITY
Related Articles
കൊറോണ ഭീതിയില്‍ രാജ്യത്തെ ലോക്ഡൗണുമായി ബന്ധപ്പെട്ട് തൊഴില്‍ നഷ്ടവും ദുരിതവും അനുഭവിക്കുന്ന സിനിമാമേഖലയിലെ ജീവനക്കാര്‍ക്ക് സംഭാവനയുമായി തെന്നിന്ത്യന്‍ ലേഡി സൂപ്പര്‍സ്റ്റാര്‍ നയന്‍താര.
താരം 20 ലക്ഷം രൂപയാണ് സംഭാവന നല്‍കിയത്. ദിവസക്കൂലിക്കാരും മറ്റുമായ തൊഴിലാളികളെ സഹായിക്കാനായി ഫിലീം എംപ്ലോയീസ് ഫെഡറേഷന്‍ ഓഫ് സൗത്ത് ഇന്ത്യക്കാണ് (എഫ്.ഇ.എഫ്.എസ്.ഐ) താരം പണം നല്‍കിയത്.
കോവിഡ് ഭീതിയില്‍ തമിഴ് സിനിമാ ഇന്‍‍ഡസ്ട്രിയില്‍ ജോലി ഇല്ലാതായ ദിവസ വേതനക്കാര്‍ക്കാണ് താരത്തിന്‍റെ സഹായം. രജനീകാന്ത്, വിജയ് സേതുപതി, സൂര്യ തുടങ്ങിയ താരങ്ങളും നേരത്തെ സംഭാവന നല്‍കിയിരുന്നു.
